Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede elik pen qoıan atyp alǵan kúdiktiler qolǵa tústi

2021 jyldyń 4 jeltoqsan 2021 13:05

AQTÓBE. QazAqparat - Aqtóbede ańdy zańsyz aýlaǵan kúdiktiler ustaldy. Olardan myltyq, tórt qoıan men elik ushasy tabyldy, dep habarlaıdy QazAqparat tilshisi.

Qazirgi kezde oblys aýmaǵynda «Aqbóken» respýblıkalyq jedel–aldyn alý sharasy ótip jatyr. Tabıǵatty qorǵaý zańnamasyn buzýdyń jolyn kesý, kıikterdi brakonerlerden qorǵaý maqsatynda ýchaskelik ınspektorlar baqylaýdy kúsheıtti.
«4-jeltoqsanynda Muǵaljar aýdanynda jedel aldyn alý is-sharasyn ótkizý barysynda ýchaskelik ınspektor 47 jastaǵy júrgizýshiniń basqarýyndaǵy «Toıota Land Krýzer« avtokóligin toqtatty. Kóliktiń salonynda úsh jolaýshy bolǵan. Avtokólikti tekserý kezinde 16 kalıbrli tegis uńǵyly ańshy myltyǵy, eki uńǵyly myltyq, 4 qoıan ushasy jáne bir elik ushasy alyndy. Zańsyz ań aýlaý faktisi boıynsha Qylmystyq kodekstiń 337-baby boıynsha sotqa deıingi tergeý bastaldy»,- dedi oblystyq PD baspasóz qyzmetiniń jetekshisi Erbolat Sarqulov.
Eki kúni ishinde mobıldi toptar tabıǵat qorǵaý zańnamasyn buzýdyń 32 deregin ashty. Onyń ishinde janýarlar dúnıesin paıdalaný talaptaryn jáne ań aýlaý erejelerin buzýdyń 29, balyq aýlaý jáne balyq resýrstary men basqa da sý janýarlaryn qorǵaý erejelerin buzýdyń 3 deregi anyqtaldy.





Joǵary qaraı