Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede eriktiler aýrýhanalarǵa ottegi ballonyn tasyp jatyr

2021 jyldyń 23 tamyz 2021 18:29

AQTÓBE. QazAqparat – Aqtóbedegi ınfektsııalyq statsıonarlar táýligine 800 ottegi ballonyn paıdalanady. Medıtsına qyzmetkerlerine kómek kórsetý úshin volonterlar ottegi ballonyn tasymaldap jatyr, dep habarlaıdy QazAqparat tilshisi.

«Barlyq emdeý mekemesi qosymsha ottegi ballonymen qamtamasyz etiledi. Táýligine 800 ballon qajet. Ótken jyly oblystyq ftızıopýlmonologııalyq dıspanserge ortalyqtandyrylǵan ottegi stantsııasy ornatyldy. Ol 150 kereýetke, ıaǵnı, adamǵa ottegi jetkizýge arnalǵan. Biraq qazir ortalyq 250 orynǵa shaqtaldy. Bárine ottegi kerek. Sondyqtan jergilikti zaýyt arqyly tegin ottegi ballondary toltyrylady. Bir ballonnyń bos kezdegi salmaǵy 50 keli, al ottegi toltyrylsa 80 keli. Ony meıirgerler, sanıtar qyzmetkerler tasıdy. Bul óte aýyr jumys. Eriktiler keledi, kómektesedi. Biz kómektesemin degen adamnan qashpaımyz. Qıyn kezde qol ushyn sozǵan adamdarǵa alǵys aıtamyn», - dedi oblys ákiminiń orynbasar Rýslan Hambarov.







Aıta keteıik, Aqtóbedegi Anticovid-19 eriktiler toby kún saıyn keshkilik aýrýhanalarǵa jınalady.

«Biz Jańaqonys aýylyndaǵy ınfektsııalyq aýrýhananyń bólimshelerine baryp, kómektesip júrmiz. Anticovid-19 eriktiler tobynyń er adamdary alma-kezek barady. Negizi 30 adam. Tek aýrýhanada emes, zaýytqa baryp, sol jerde ottegi ballondaryn tıeýge kómektesemiz. Munda júrgen eriktilerdiń mamandyǵy ártúrli. Biri taksı júrgizýshisi bolsa, endi biri kásipker, menedjer de bar», - dedi eriktiler tobynyń múshesi Anastasııa Evseeva.











Joǵary qaraı