Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede esirtki tutynyp, rýlge otyrǵan bank qyzmetkeri ustaldy

2021 jyldyń 21 maýsym 2021 14:33

AQTÓBE. QazAqparat - Aqtóbede polıtseıler esirtkige elitip, rýlge otyrǵan eki júrgizýshini anyqtady, dep habarlaıdy QazAqparat tilshisi.

Aqtóbe qalasyndaǵy Sh.Qaldaıaqov kóshesinde patrýldik polıtsııa qyzmetkerleri bankterdiń biriniń menedjeri rýlde otyrǵan «Daewo Nexia» avtokóligin toqtatty. 26 jastaǵy júrgizýshi buǵan deıin de kólik quralyn basqarý quqyǵynan aıyrylǵan, «kannabıoıdtardy» paıdalanyp, mas kúıinde kólikti basqarǵan.
«Sol kúni Bókenbaı batyr kóshesindegi «Dastan« qonaq úıine qarama-qarsy bette polıtsııa qyzmetkerleri 38 jastaǵy júrgizýshiniń basqarýyndaǵy «VAZ-21140« avtokóligin toqtatty. Ol da buryn kólik quralyn basqarý quqyǵynan aırylyp, avtokólikti esirtkige masań kúıde kólik basqarǵan. Eki derek boıynsha da Qylmystyq kodekstiń «Kólik quralyn basqarý quqyǵynan aıyrylǵan, alkogoldik masań kúıdegi adamnyń kólik quralyn basqarýy« baby boıynsha tergeý áreketteri júrgizilip jatyr. Kólik quraldary arnaıy turaqqa qoıyldy»,- dedi oblystyq PD baspasóz qyzmetiniń jetekshisi Erbolat Sarqulov.


Joǵary qaraı