Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqtóbede eski garajdan granata tabyldy

2022 jyldyń 24 mamyr 2022 20:19

AQTÓBE. QazAqparat – Aqtóbede garaj kooperatıvinen granata tabyldy. Qylmystyq is qozǵalyp, tergeý júrip jatyr, dep habarlaıdy QazAqparat tilshisi.

Búgin Aqtóbe qalasyndaǵy «Avıator-3» kooperatıvinde ornalasqan eski garajdy buzý kezinde granata tabyldy. Aqparat túsken boıda oqıǵa ornyna arnaıy qyzmet mamandary jiberildi.

«Arnaıy bólimshe saperleri tabylǵan zatty boljam boıynsha «F-1» áskerı granatasy ekenin anyqtady. Ballıstıkalyq saraptama taǵaıyndaldy. Polıtsııa garajdyń burynǵy ıesin izdestirip jatyr», - dedi oblystyq PD baspasóz qyzmetiniń jetekshisi Erbolat Sarqulov.

Aıta keteıik, birden Qylmystyq kodekstiń «Qarýdy, oq-dárilerdi, jarylǵysh zattar men jarylǵysh qurylǵylardy zańsyz satyp alý, berý, ótkizý, saqtaý, tasymaldaý nemese alyp júrý» baby boıynsha sotqa deıingi tergeý bastaldy.





Aıta keteıik, osydan eki jyl buryn Aqtóbede jolaýshylar avtobýsynan granata tabyldy. Oqıǵa ornyna tıisti mamandar shaqyrylyp, jarylǵysh zat qaýipsizdendirildi. Shekarashylar qaýipti zattyń ıesin anyqtap, ustady. Ol osy avtobýspen kele jatqan, 1984 jyly týǵan Qazaqstan Respýblıkasynyń azamaty bolyp shyqty. Oqıǵa «Orynbor – Aqtóbe» baǵytyndaǵy shekara beketinde tirkeldi.


Joǵary qaraı