Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede ınfektsııalyq statsıonar sany azaıdy

2021 jyldyń 14 maýsym 2021 15:25

AQTÓBE. QazAqparat – Aqtóbede koronavırýs ınfektsııasyn juqtyrý deregi azaıdy. Qazir ınfektsııalyq aýrýhananyń ózi rezervke qoıylyp, naýqastar ftızıopýlmonologııalyq ortalyqta em alyp jatyr, dep habarlaıdy QazAqparat tilshisi.

Bir táýlikte taǵy 12 adamnan koronavırýs ınfektsııasy anyqtaldy. Onyń teń jartysy derttiń sımptomdy túrine shaldyqqan.

Aqtóbe qalasynda bes, Mártók aýdanynda bir adam aýrý belgilerimen dáriger kómegine júgingen.

Oblystyq sanıtarııalyq-epıdemıologııalyq baqylaý departamenti baspasóz qyzmetiniń habarlaýynsha, óńirde barlyǵy 11 522 jaǵdaı tirkelip, onyń 96 paıyzǵa jýyǵy jazyldy.

Áli de 2 myńnan astam adam úı karantıninde. Al ınfektsııalyq statsıonarlarda 188 adam em alyp jatyr.

«Aýrýshańdyqtyń tómendeýine baılanysty ınfektsııalyq statsıonar sany azaıdy. Sonyń ishinde aýdandarda kereýet sany qysqardy. Al Aqtóbe qalasy boıynsha oblystyq ftızıopýlmonologııalyq ortalyǵy ǵana koronavırýs ınfektsııasyn juqtyrǵandardy qabyldaıdy. Al ınfektsııalyq aýrýhananyń ózi rezervte bolady»,-dedi oblystyq densaýlyq saqtaý basqarmasy basshysynyń orynbasary Bekbolat Іzbasarov.

Sonymen birge COVID-19-den aıyqqan naýqastar ambýlatorlyq jáne statsıonarlyq túrde saýyqtyrýdan ótti. Búginge deıin 1500 adam densaýlyǵyn nyǵaıtty.

«Eger naýqas dertti aýyr jáne ortasha aýyrlyqta ótkerse, shaǵymy bolsa, ýchaskelik dárigerge barýy tıis. Sodan keıin saýyqtyrý kýrsynan ótýge bolady», - dedi Bekbolat Іzbasarov.

Aqtóbe oblysy boıynsha qazir 17 bala baqylaýda. Olardyń bári ambýlatorlyq em alyp jatyr.

«Aqtóbe oblysy boıynsha 202 450 doza jetkizildi. 97 284 adam birinshisin, 49738 adam eki komponentin de qabyldady. Qazirgi kezde vaktsına bar. Turǵyndar dáriger tekserýinen ótip, qabyldaýyna bolady», - dedi oblystyq densaýlyq saqtaý basqarmasy basshysynyń orynbasary Bekbolat Іzbasarov.


Joǵary qaraı