Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede qaraqshylyq shabýyl jasap, 7 mln teńgeni alyp ketken kúdiktiler ustaldy

2021 jyldyń 2 tamyz 2021 12:42

AQTÓBE. QazAqparat – Aqtóbede seriktestiktiń kúzetshilerinen aqsha toly sómkeni alyp ketken kúdiktiler ustaldy, dep habarlaıdy QazAqparat tilshisi.

Oqıǵa bıyl 14 aqpan kúni tirkeldi.

Sol kúni saǵat 19:00-de Mártók aýdanynyń kezekshi bólimine habarlasqan adamdar Jaısań aýylynda belgisiz toptyń aqsha salynǵan sómkeni alyp, Aqtóbe qalasyna qaraı «Daewoo Nexia» avtokóligimen ketip qalǵanyn aıtty.

Sol kúni saǵat 17:00-de tórt adam Jaısańda ornalasqan jaldamaly úıge zańsyz kirgen.

Olar qarý qoldanyp, zorlyq-zombylyq kórsetip, seriktestiktiń kúzetshilerin uryp-soqqan.

Qaraqshylyq shabýyl jasap, aqsha toly sómkeni alyp ketti.

Onda 7 mıllıon teńge aqsha bolǵan.

«Krımınaldyq polıtsııa qyzmetkerleri eki kúdiktini birden ustady. Al ekeýi osy ýaqytqa deıin qashyp júrdi. Olarǵa memleketaralyq izdeý jarııalandy. Birer kún buryn polıtsııa qyzmetkerleri Aqtóbe qalasynda izdeý júrgizip, qalǵan ekeýin tapty. Qazir Aqtóbe qalasyndaǵy ýaqytsha ustaý ızolıatorynda otyr», - dep habarlady oblystyq PD baspasóz qyzmeti.

Osy oqıǵa boıynsha Qylmystyq kodekstiń «qaraqshylyq» baby boıynsha is qozǵalyp, tergeý júrip jatyr.



Avtor Altynaı Saǵyndyqova
Basty sózder: Oqıǵa, Aqtóbe oblysy, Zań,
Joǵary qaraı