Aýa raıy
Astana -18 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede kópbalaly ana qaǵaz maılyq shyǵarý óndirisin bastady

2020 jyldyń 15 tamyz 2020 09:15

AQTÓBE. QazAqparat – Aqtóbede kópbalaly ana Jańylaı Ibraeva qaǵaz óńdep, qaǵaz maılyq shyǵarýdy qolǵa aldy, dep habarlaıdy QazAqparat tilshisi.

Ibraevtar otbasy bir jyl buryn sheshim qabyldap, jeke kásipker bolýdy maqsat etken. Bıznes jospar daıyndap, «Atameken» óńirlik kásipkerler palatasynan kómek aldy. Qujattaryn jınap, ekinshi deńgeıli bank fılıalyna bardy. Jańa joba «Qarapaıym zattar ekonomıkasy» aıasynda qarjylandyryldy.

«Kásipkerge 5 mıllıon teńge 60 aıǵa berildi. Oǵan qajetti qural-jabdyq satyp aldy. Nesıe sýbsıdııalandy. Qarjy ınstıtýty arqyly nesıeniń 9 paıyzdyq ústemaqysy óteldi. Al 6 paıyzyn kásipker ózi tóleıdi. Ol jeńildikter almaı, birden nesıe óteýdi bastady», - dedi ekinshi deńgeıli bank fılıalynyń dırektory Aınur Medetbaeva.







Qarjyǵa bıyl arnaıy qural-jabdyq satyp alyndy. Qyrǵyzstannan jetkizilgen apparat karantınge qaramastan iske qosyldy.

«Qazir ózim bala kútimimen úıde otyrmyn. Otbasymda 4 balam bar. Olardyń jarqyn bolashaǵy úshin is bastaýǵa sheshim qabyldadym. Shaǵyn tseh iske qosylǵaly bir kún de toqtamaı, jumys istep kelemiz. Qoǵamdyq tamaqtaný oryndarynan suranys bar. Sonymen birge stomatologııa men jeke kásipkerler, tanystarym, dostarym alady. Áleýmettik jelide @Qagaz_kz paraqshasy ashyldy. Aldaǵy ýaqytta óndiris kólemin ulǵaıtyp, ájethana qaǵazyn shyǵarýdy josparlap otyrmyz», - dedi Jańylaı Ibraeva.

Aıta keteıik, tseh kún saıyn 600 qaptama maılyq qaǵaz shyǵaryp jatyr. Qagaz.kz brendin qalyptastyrý maqsatynda iri saýda oryndarymen kelisim júrip jatyr.





Joǵary qaraı