Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqtóbede qyzyna azǵyndyq jasaǵan áıel sottaldy

2022 jyldyń 24 mamyr 2022 01:42

AQTÓBE. QazAqparat – Aqtóbe oblystyq kámeletke tolmaǵandardyń isteri jónindegi mamandandyrylǵan aýdanaralyq sotynda qyzyna azǵyndyq jasady degen aıyppen anasy men onyń tanysy sottaldy, dep habarlaıdy QazAqparat tilshisi.

Qylmystyq kodeks « Jas balalardy azǵyndyq jolǵa túsirý» baby boıynsha qozǵalyp, tergeý júrdi. Aqtóbe oblystyq soty baspasóz qyzmetiniń habarlaýynsha, 2020 jyldyń 30 qazany kúni saǵat 12:00-den 18:00-ge deıin azamatsha «J» 2012 jyly týǵan qyzyna kúsh qoldanbaǵan, degenmen azǵyndyq áreketter jasaǵan. Onyń janynda «M» esimdi adam bolǵan. Sot otyrysy kezinde jábirlenýshiniń, onyń zańdy ókiliń, kýálardyń, saqtaýǵa tapsyrylǵan aıǵaqtary jáne saraptama qorytyndysy, bolǵan jerdi qaraý hattamasy, tergeý eksperımentiniń hattamasy negizinde eki aıyptalýshynyń kinási tolyq dáleldendi. Osyǵan baılanysty sot «J» jáne «M-ny» taǵylǵan aıyp boıynsha kináli dep tanydy.

«Qylmystyq jaýaptylyq pen jazany jeńildetetin mán-jaılar anyqtalǵan joq. Kerisinshe, sot aldyn ala sóz baılasý arqyly adamdar tobymen qylmys jasaý jazany aýyrlatatyn jaǵdaı dep tanydy. Sot úkimimen «J-ǵa» 9 jyl bas bostandyǵynan aıyrý, «M-ǵa» 7 jylǵa bas bostandyǵynan aıyrý jazasy taǵaıyndaldy. Sottalýshylardyń ekeýi de pedagogıkalyq laýazymdardy jáne kámeletke tolmaǵandarmen jumys isteýge baılanysty laýazymdardy atqarý quqyǵynan aıyrylǵan», - dep habarlady oblystyq sottyń baspasóz qyzmeti.
Úkim zańdy kúshine engen joq.


Joǵary qaraı