Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede mal urlap, bazarda satqan kúdikti top ustaldy

2021 jyldyń 16 qyrkúıek 2021 16:41

AQTÓBE. QazAqparat – Aqtóbe oblysy, Muǵaljar aýdanynda mal urlap, ony satýmen aınalysqan kúdikti top ustaldy, dep habarlaıdy QazAqparat tilshisi.

Barlyǵy 6 adam mal urlap, satýmen aınalysqan. Olar urlaǵan maldy Aqtóbe jáne Qandyaǵash qalalarynyń bazarlarynda satqan.

«Qylmystyq toptyń quramynda 6 adam bar. Olardyń Muǵaljar aýdany aýmaǵyndaǵy bes mal urlyǵynyń oqıǵasyna qatysy bar ekeni dáleldendi. Ózge aýdandardaǵy mal urlyǵy deregine qatysynyń bar-joǵy anyqtalyp jatyr»,- dedi Aqtóbe oblystyq polıtsııa departamentiniń bastyǵy Atyǵaı Arystanov.

Muǵaljar aýdandyq polıtsııa bóliminiń qymetkerleri oblys ortalyǵyndaǵy áriptesterimen birge urlanǵan maldy kezekti ótkizý kezinde kúdiktilerdi qolǵa túsirdi. Olardan 6 bas iri qara jáne GAZel avtokóligi tárkilendi. Qylmystyq kodekstiń «Aldyn ala sóz baılasý arqyly adamdar toby jasaǵan mal urlyǵy» baby boıynsha tergeý bastalǵan. Osy baptyń sanktsııasy múlkin tárkileı otyryp, úsh jyldan jeti jylǵa deıin bas bostandyǵynan aıyrýdy kózdeıdi. Kúdiktiler ýaqytsha ustaý ızolıatoryna qamaldy.


Joǵary qaraı