Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede monıtorıngilik top vaktsına saldyrmaı jumys istegenderdi anyqtady

2021 jyldyń 19 qazan 2021 05:15

AQTÓBE. QazAqparat – Aqtóbe oblysynda monıtorıngilik top koronavırýsqa qarsy vaktsına saldyrmaǵan jumysshylardy anyqtaý jumystaryn júrgizýde, dep habarlaıdy QazAqparat tilshisi.

Aqtóbe oblysynda monıtorıngilik top vaktsınatsııa jumystaryn, onyń ishinde vaktsına saldyrmaǵan jumysshylardyń eńbekke aralasý tártibin qarap shyqty. Talap boıynsha jumysshynyń eń bolmaǵanda vaktsınanyń birinshi komponentin saldyrǵanyn rastaıtyn qujaty bolýy tıis.

«Aqtóbe qalalyq sanıtarııalyq-epıdemıologııalyq baqylaý basqarmasyna eki kompanııanyń qyzmetkerine qatysty materıal kelip tústi. Monıtorıngilik top vaktsına saldyrmaı, jumys istep júrgen eki jumysshyny anyqtady. 11 qazan kúni materıal túskenin rastaımyz. Al shara qabyldaý týraly jańa Qaýly 16 qazan kúni kúshine endi. Sondyqtan olardy jaýapqa tarta almadyq», - dedi oblystyq Sanıtarııalyq-epıdemıologııalyq baqylaý departamenti basshysynyń mindetin atqarýshy Gúlbaný Dáýletova.

Aıta keteıik, Aqtóbe oblysynda 4253 kásipker «Ashyq» jobasyna qatysýǵa ótinish berip, olardyń 4253-ne QR-kod júktegen. Onyń ishinde «Kóshbasshy» mártebesi bar qatysýshylar – 153.

«Sary» statýsy bar 240 adam jáne «qyzyl» statýsy bar 341 adamnyń emin-erkin júrgeni anyqtalǵan. «Sary» statýsy bar 100 adamǵa Aqtóbe qalalyq Bas memlekettik sanıtarııalyq dárigeriniń qaýlysy túsindirildi. «Qyzyl» mártebesi bar 94 jeke adamǵa «Ákimshilik quqyq buzýshylyq týraly» kodekstiń 425-baby 1-bóligimen ákimshilik shara qoldanylyp, 4,1 mln teńgege aıyppul salyndy.


Joǵary qaraı