Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede munaı ónimderin urlap, Reseıge satqan qylmystyq topqa qatysty sot úkimi shyqty

2021 jyldyń 20 qańtar 2021 13:49

AQTÓBE. QazAqparat – Aqtóbede munaı ónimderin urlap, para bergen qylmystyq topqa sot úkimi shyqty, dep habarlaıdy QazAqparat tilshisi.

Aqtóbe oblystyq qylmystyq ister jónindegi mamandandyrylǵan aýdanaralyq sotynda K.Saǵandyqov, G.Chýchaev, A.Jarylǵasov, K.Sársenbaev jáne A.Sharqatovqa qatysty qylmystyq is boıynsha úkim shyqty. Olarǵa Qylmystyq kodekstiń «Uıymdasqan top, qylmystyq uıym qurý jáne olarǵa basshylyq etý, sol sııaqty olarǵa qatysý», «Para berý», «Munaıdyń jáne munaı ónimderiniń shyǵarylý zańdylyǵyn rastaıtyn qujattarsyz olardy tasymaldaý, ıemdený, ótkizý, saqtaý, sondaı-aq munaıdy qaıta óńdeý» baptary boıynsha aıyp taǵyldy. Іs materıalyna súıensek, K.Saǵandyqov Aqtóbeden AI-92 benzınin satyp alyp, ony Reseıge satý úshin jalǵan qujat jasaǵan. Sóıtip G.Chýchaev, Qarjy mınıstrliginiń Memlekettik kirister komıtetiniń qyzmetkeri A.Jarylǵasov, ІІM qyzmetkerleri K.Sársenbaev jáne A.Sharqatovpen birlesip áreket etken. 2019 jyldyń maýsym-qazan aılary aralyǵynda K.Saǵandyqov, G.Chýchaev, A.Jarylǵasov, K.Sársenbaev jáne A.Sharqatov asa iri kólemde munaı ónimderin qujatsyz tasymaldady. A.Jarylǵasov, K.Sársenbaev jáne A.Sharqatov óz qyzmetterin asyra paıdalandy. Sot otyrysy kezinde K.Saǵandyqov, G.Chýchaev, A.Jarylǵasov óz qylmysyn ishinara moıyndady. K.Sársenbaev jáne A.Sharqatov taǵylǵan aıyppen kelispedi. Sot otyrysy kezinde prokýror K.Saǵandyqovty 20, G.Chýchaevty 8, A.Jarylǵasovty 20, K.Sársenbaev jáne A.Sharqatovty 12 jylǵa bas bostandyǵynan aıyrýdy surady.

Aqtóbe oblystyq qylmystyq ister jónindegi mamandandyrylǵan aýdanaralyq soty baspasóz qyzmetiniń habarlaýynsha, K.Saǵandyqov 13, G.Chýchaev 7, A.Jarylǵasov 11 jylǵa, al K.Sársenbaev jáne A.Sharqatov 9 jylǵa bas bostandyǵynan aıyryldy. Sonymen birge K.Sársenbaev jáne A.Sharqatov 10 jyl boıy memlekettik qyzmette jumys isteı almaıdy.


Joǵary qaraı