Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede Pfizer vaktsınasyn saqtaıtyn muzdatqysh satyp alynady

2021 jyldyń 22 qazan 2021 15:25

AQTÓBE. QazAqparat – Aqtóbede Pfizer vaktsınasyn saqtaý úshin arnaıy tońazytqyshtar satyp alynady, dep habarlaıdy QazAqparat tilshisi.

Aqtóbede bir táýlikte taǵy 46 adamnan koronavırýs ınfektsııasy anyqtaldy. Onyń kóbi vırýstyń sımptomdy túrine shaldyqqan. Qazir Aqtóbe oblysy boıynsha ınfektsııalyq statsıonarlarda 250-den astam adam jatyr. Onyń 28-i jansaqtaý bólimine túsken.

«Qazir 23 naýqas ókpeni jasandy jeldetý apparatyna qosýly. Balalarǵa keler bolsaq, 48-inen vırýs anyqtalyp, onyń úsheýi aýrýhanaǵa jatqyzyldy. Sonymen birge 20 júkti kelinshek te aýrýhanada em alyp jatyr. Oblys boıynsha ınfektsııalyq kereýetter júktemesi azaıdy. Qazir 38,2% otyr. Jansaqtaý bóliminde júkteme – 30,1%», - dedi Aqtóbe oblysynyń densaýlyq saqtaý basqarmasy emdeý aldyn alý, qoǵamdyq densaýlyq saqtaý jáne dári-dármekpen qamtamasyz etý bóliminiń bas mamany Ásııa Tirijanova.

Jalpy COVID-19 juqtyryp, jazylǵandardyń 52-i qaıta aýyryp qalǵan. Olardyń kóbi sozylmaly aýrýǵa shaldyqqan jasy 60-tan asqan adamdar. ńirlik kommýnıkatsııa qyzmetinde ótken baspasóz máslıhatynda vaktsınatsııalaý týraly aıtyldy. Búginge deıin oblysta 331 myńnan astam adam birinshi, 301 myńy eki komponentin de saldyrdy.

Qarasha aıynda Pfizer vaktsınasy jetkiziledi. Shamamen 46 myńnan astam bala men 4 myń júkti kelinshek ımmýndaýǵa jatady. Talap boıynsha -80°C saqtalýy tıis vaktsına qan ortalyǵyna jetkiziledi dep aıtylǵan.

Degenmen jańa qural-jabdyq satyp alynatyny belgili boldy.

«Vaktsınany saqtaýǵa jańa muzdatqysh satyp alynady. Ol vaktsına salatyn emdeý mekemelerinde bolady. Qan ortalyǵynda saqtalmaıdy», - dedi Ásııa Tirijanova.


Joǵary qaraı