Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede polıtsııa qyzmetkerin júk kóligi qaǵyp ketti

2021 jyldyń 17 sáýir 2021 14:50

AQTÓBE. QazAqparat - Samara - Shymkent tasjolynda KamAZ júrgizýshisi polıtsııa qyzmetkerin qaǵyp ketti, dep habarlaıdy QazAqparat tilshisi.

Patrýldik polıtsııa rotasynyń qyzmetkerleri Samara-Shymkent avtojolyn baqylaýǵa alyp, Túrkistan oblysynyń 36 jastaǵy turǵyny júrgizip kele jatqan júk kóligin toqtatty. Sebebi kóliktiń júrgizýshi otyratyn jaǵynaǵy terezeniń synǵany anyqtalǵan.

«Júrgizýshi kólik júretin jolǵa toqtaǵan. Sol kezde polıtsııa qyzmetkerleri dybys zoraıtqysh arqyly eskertý berip, kólikti jol jıegine burýdy buıyrdy. Kenet ekinshi KamAZ toqtap, ol aldyndaǵy júk kóliginiń qozǵalysyn tejegen quqyq qorǵaýshyǵa narazylyǵyn bildirdi. Sol kezde birinshi júk kóliginiń júrgizýshisi jolǵa kóldeneń toqtap, qozǵalysty túbegeıli shektep tastady. Keıin ekinshi KamAZ júrgizýshisi qarsy baǵytqa shyǵyp, polıtsııa qyzmetkerin qaǵyp ótti. Tártip saqshysy Yrǵyz aýdandyq aýrýhanasyna jetkizilip, dárigerler qarap shyqty. Keıin úıine jiberildi»,- dep habarlady oblystyq PD baspasóz qyzmetiniń jetekshisi Erbolat Sarqulov.

Atalǵan fakti negizinde QR QK 380-baby 3-bóligi 1-tarmaǵy, ıaǵnı, «Bılik ókiline qatysty kúsh qoldaný» baby boıynsha sotqa deıingi tergeý bastaldy. Shabýyl jasaǵan júrgizýshi QR QІJK 128-baby boıynsha ustalyp, Yrǵyz aýdandyq polıtsııa bóliminiń ýaqytsha ustaý ızolıatoryna qamaldy.


Joǵary qaraı