Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede sabaqtan úıine qaıtarda joǵalyp ketken 3-synyp oqýshysy tabyldy

2021 jyldyń 5 qazan 2021 08:33

AQTÓBE. QazAqparat - Aqtóbe polıtseıleri bala joǵalǵanda ne isteý kerektigi jóninde keńes berdi, dep habarlaıdy QazAqparat oblystyq polıtsııa departamentiniń Instagram paraqshasyna silteme jasap.

Bala úıden qashyp ketýi nemese joǵalyp ketýi múmkin degen oı kez kelgen ata-anany úreılendiredi. Biraq, bul - shyndyq jáne onymen kúresý kerek.

Jaqynda polıtsııa qyzmetkerleri kámeletke tolmaǵan eki balany tapty.

2 qazan kúni Aqtóbede 6 jasar bala joǵalyp ketti. Tek 6 saǵattan keıin anasy balasyn esine alyp, izdeýge shyqty.

Ózdiginen izdestirý sharalary nátıjesiz bolǵandyqtan ol polıtsııaǵa júgindi.

Búkil garnızon jumyldyrylyp, bala tabyldy.

Bul jaǵdaıda ata-analardyń nemquraıdylyǵy, balalaryn qaraýsyz qaldyrýy jazataıym oqıǵalarǵa sebep bolýy múmkin.

Ekinshi jaǵdaıda, 1 qazanda 3-synyp oqýshysy keshki saǵat 5-te mektepten shyǵyp, keri baǵyttaǵy avtobýsqa otyryp ketken. Bir saǵattan keıin qyzdyń anasy dabyl qaǵyp, polıtsııaǵa júgindi, keshki 7-de qyz tabyldy.

Osyǵan baılanysty Aqtóbe oblysynyń polıtsııa departamenti jazataıym oqıǵalardyń aldyn alý maqsatynda kámeletke tolmaǵan balalardyń bos ýaqytyn jáne ornalasqan jerin muqııat baqylaý qajet ekenin eskertedi.

Ata-analar balalarǵa úıge baratyn joldy kórsetip, qaýipsiz marshrýtty anyqtaýy kerek, balalardyń sabaq kestesinen habardar bolyp, muǵalimdermen únemi baılanys ornatyp, balalardyń úıge baratyn jolyn baqylaýy kerek. Múmkin tómengi synyp oqýshylary úshin ata-analar ózara aqyldasyp, balalardyń ıgiligi men olardyń qaýipsizdigi úshin kezek-kezek súıemeldeýdi uıymdastyrýy kerek.

«Qurmetti ata-analar, sizden balalaryńyzdy qaraýsyz qaldyrmaýdy, olardy mektepke, sektsııalarǵa, úıirmelerge shyǵaryp salýdy jáne sabaq aıaqtalǵannan keıin qarsy alýdy suraımyz. Eger bala úıge belgilengen merzimde kelmese jáne siz oǵan habarlasa almasańyz, dereý «102«nómirine qońyraý shalyńyz. Ata-ana baqylaýynyń bolmaýynan balalar jıi JKO qurbanyna aınalady, túrli jazataıym oqıǵalarǵa tap bolady. Kóbinese qaraýsyz, tolyq emes otbasylarda turatyn jáne ata-analary tárbıesimen aınalyspaıtyn balalar joǵalady. Ózińizdi jáne jaqyndaryńyzdy qorǵańyz»,- deıdi oblystyq PD bastyǵy Atyǵaı Arystanov.


Avtor Janat Qapalbaeva
Basty sózder: Aqtóbe oblysy, Oqıǵa,
Joǵary qaraı