Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede sapasyz úı salǵan qurylys kompanııasynyń basshysy sottaldy

2021 jyldyń 15 maýsym 2021 22:08

AQTÓBE. QazAqparat - Aqtóbede qurylys kompanııasynyń basshysyna 339 mıllıon teńgeden astam qarjyny jymqyrdy degen aıyp taǵylyp, sottalýshy 6 jylǵa bas bostandyǵynan aıyryldy, dep habarlaıdy QazAqparat tilshisi.

Aqtóbe qalasynyń №2 sotynda qurylys kompanııasynyń basshysyna qatysty Qylmystyq kodekstiń «Asa iri mólsherde senip tapsyrylǵan múlikti ıemdený jáne ysyrap etý» baby boıynsha is qaraldy.

Іs materıalyna súıensek, «Jılıe» turǵyn úı-qurylys kooperatıyiniń tóraǵasy «K» kóppáterli eki turǵyn úı qurylysy kezinde 339 271 871 teńge jymqyrdy dep aıyptalǵan.

Qurylys jumysy sapasyz, shart talaptary men bekitilgen joba buzylǵan.

Sonymen birge sottalýshy «K» bul týraly bilese de bir mezgilde «Jılıe» TQK tóraǵasy (tapsyrys berýshi) jáne «CB PROJECT» JShS-niń dırektory (merdiger) qyzmetin atqarǵan.

Saldarynan jábirlenýshilerge 176 347 631 teńge materıaldyq zalal keldi.

Sot sottalýshyny sapasyz júrgizilgen qurylys úshin kináli dep tapty

«Jábirlenýshilerge kelgen zııannyń ótelmegenin eskere otyryp, sot K.-ge 6 jylǵa bas bostandyǵynan aıyrý jazasy taǵaıyndady. Zań boıynsha abaısyzda qylmys jasaǵany úshin sottalǵan adamdar qaýipsizdigi barynsha tómen mekemede jazasyn óteıdi. Sot aktileri zańdy kúshine engen joq», - dep habarlady Aqtóbe qalalyq № 2 sotynyń baspasóz qyzmeti.


Avtor Altynaı Saǵyndyqova
Basty sózder: Qurylys, Zań, Sot, Aqtóbe oblysy,
Joǵary qaraı