Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede Tabyldy Dosymovtyń shyǵarmashylyǵyna arnalǵan án baıqaýy ótti

2021 jyldyń 16 qazan 2021 03:04

AQTÓBE. QazAqparat -Aqtóbede Tabyldy Dosymovtyń shyǵarmashylyǵyna arnalǵan án baıqaýy ótip, mańǵystaýlyq Aıgúl Qubash bas júldegi jeńip aldy, dep habarlaıdy QazAqparat tilshisi.

Qazaqtan shyqqan tuńǵysh bard aqyn Tabyldy Dosymovtyń shyǵarmashylyǵyna arnalǵan «Sáıgúlik» atty án baıqaýyna barlyǵy 14 ónerpaz qatysty.

Al óner dodasynda kompozıtor, ánshi, Qazaqstannyń eńbek sińirgen qaıratkeri Elena Ábdihalyqova, kompozıtor, T.Dosymovtyń shákirti, Qazaqstannyń mádenıet salasynyń úzdigi Esenbaı Qulı, ánshi, ustaz, Qazaqstannyń eńbek sińirgen qaıratkeri, «Eren eńbegi úshin» medaliniń ıegeri Marat Áıtimov, T.Dosymov atyndaǵy respýblıkalyq qoǵamdyq qordyń dırektory, aqyn Bıjan Qalmaǵanbetov qazylyq etti.

Bas júldeni mańǵystaýlyq Aıgúl Qubash jeńip alyp, 1 mıllıon teńgege ıe boldy.
«Tabyldy Dosymovtyń shyǵarmashylyǵy tereń, bólek, janyma jaqyn. Sondyqtan shyǵarmalaryn oryndap júrmin. Bul joly bas júlde buıyrdy. Barlyq qatysýshy óte jaqsy oryndap shyqty»,- dedi Aıgúl Qubash.
Birinshi orynǵa tigilgen 600 myń teńge Atyraý oblysynan kelgen ónerpaz Altynbek Baqtykereevke buıyrdy.


Ekinshi orynǵa (400 myń teńge) Asylbekovter otbasylyq dýeti (Qyzylorda oblysy) laıyq dep tanyldy.
Eki úshinshi oryndy (200 myń teńge) «A-V» dýeti (Aqtóbe qalasy) jáne Aıbek Kahov (BQO) ózara bólisti.

Arnaıy júldemen (150 myń teńge) aqtóbelikter Altybaı Saparbaı jáne Qýan Jańbyrbaı marapattaldy.

Qalǵan qatysýshylarǵa dıplom jáne 100 myń teńgeden yntalandyrý syılyǵy tabystaldy.



Joǵary qaraı