Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqtóbede taǵy eki aýyldan mal aýrýy anyqtaldy

2021 jyldyń 8 jeltoqsan 2021 17:50

AQTÓBE. QazAqparat – Aqtóbeniń Hromtaý aýdany, Qopa jáne Tamdy aýyldarynda maldan aýrý shyqty. Qazirgi kezde synamalar zerthanaǵa jiberildi, dep habarlaıdy QazAqparat tilshisi.

Buǵan deıin Aqtóbede iri qaradan ınfektsııalyq rınotraheıt aýrýy anyqtalyp, 22 qarashada Alǵa aýdany, Bestamaq aýylynda shekteý sharasy engizilgen edi.

Búginde Hromtaý aýdanynyń Qopa jáne Tamdy aýyldarynda iri qaradan aýrýdyń tirkelgeni týraly aqparat tekserilip jatyr.

«Janýarlardan aýyz qýysynan silekeı aǵý men aqsaý sııaqty klınıkalyq belgiler baıqalǵan. Mal ıeleri veterınarlyq dárigerlerdi kútpeı, dúrbeleń týdyrǵan. Basqa adamdardyń keńesine qulaq asyp, ózderi dıagnoz qoıyp, vırýsqa qarsy preparattardy satyp alyp, malyn emdegen.

Búgin Nur-Sultan qalasyndaǵy Veterınarııa boıynsha ulttyq referenttik ortalyǵyna qan men silekeı synamalaryn jiberý úshin oblystyq Veterınarııa basqarmasynyń jáne veterınarııalyq stantsııanyń mamandary aýylǵa bardy. Sondaı-aq veterınarııalyq zerthananyń nátıjeleri shyqqanǵa deıin halyq arasynda túsindirý jumystary júrgizilip, janýarlarǵa aýyz qýysyn óńdeýdi qalaı júrgizý keregi kórsetiledi», - dedi oblystyq Veterınarııa basqarmasynyń basshysy Qusaıyn Sársembaı.

Onyń aıtýynsha, Hromtaýdaǵy mal aýrýy Alǵa aýdanyndaǵy oqıǵaǵa uqsas. Buǵan deıin olarǵa ınfektsııalyq rınotraheıt dıagnozy qoıylǵan bolatyn.


Joǵary qaraı