Aýa raıy
Astana 9 °S
Almaty 18 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede toı jasaǵan turǵyn jazalandy

2020 jyldyń 5 tamyz 2020 00:26

AQTÓBE. QazAqparat - Aqtóbe polıtsııasy toı ótkizip, eske alý sharasyn uıymdastyrǵandardy anyqtady, dep habarlaıdy QazAqparat tilshisi.

Aqtóbe oblysynyń PD qyzmetkerleri 5 shildeden bastap karantın talabynyń oryndalýyn baqylaý maqsatynda reıdke shyqty. Tekserý nátıjesinde polıtseıler ÁQBtK-niń 425-baby boıynsha 316 zań buzýshylyqty anyqtady. Saltanatty jáne eske alý sharasyn ótkizgen 24 fakti tirkeldi. Onyń ishinde demalys aımaǵynda úılený toıyn ótkizgender jazalandy.

«Dúken, dámhana, monsha, shashtaraz ben sulýlyq salondaryna qatysty 300-ge jýyq quqyqbuzýshylyq anyqtaldy. Kásipkerlik sýbektileri karantın rejımin saqtamady, sanıtarııa talabyn eskermedi. Mysaly, 2 tamyzda ýchaskelik polıtsııa ınspektory Aqtóbe qalasyndaǵy dámhanalardyń biri saǵat 22:00-den keıin jumys istegenin tirkedi. Іs boıynsha ákimshilik hattama toltyrylyp, oblystyq taýarlar men qyzmetterdiń qaýipsizdigi men sapasyn baqylaý departamentine shara qabyldaý úshin jiberildi.
Polıtsııa departamenti aqtóbelikterdi karantın rejımin saqtaýǵa, buqaralyq is-sharalardy ótkizbeýge jáne olarǵa qatyspaýǵa, sondaı-aq qoǵamdyq, adam kóp jınalatyn oryndarǵa barǵan kezde qajetti qorǵaný quraldarynyń barlyǵyn qoldanýǵa shaqyrady»,- dep habarlady oblystyq PD baspasóz qyzmetiniń jetekshisi Erbolat Sarqulov.


Joǵary qaraı