Aýa raıy
Astana 9 °S
Almaty 18 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede jasóspirimder tóbelesip, bireýi aýrýhanaǵa tústi

2020 jyldyń 5 tamyz 2020 17:44

AQTÓBE. QazAqparat – Aqtóbenyń Qandyaǵash qalasynda jasóspirimder tóbelesip, bireýi pyshaq jaraqatymen aýrýhanaǵa tústi, dep habarlaıdy QazAqparat tilshisi.

Aqtóbe oblystyq polıtsııa departamenti jasóspirimder arasyndaǵy qylmysty, jol-kólik oqıǵalaryn, jazataıym oqıǵalardyń aldyn alý maqsatynda balalardy baqylaýda ustaýdyń mańyzy zor ekenin eskertedi.

«1 tamyz kúni saǵat 23:10-da Muǵaljar aýdandyq ortalyq aýrýhanasyna Qandyaǵash qalasynyń 16 jastaǵy turǵyny pyshaq jaraqatymen tústi. Qazirgi ýaqytta jábirlenýshiniń jaǵdaıy turaqty. Polıtsııa qyzmetkerleri jedel-izdestirý sharasyn júrgizip, Qandyaǵash qalasynyń 16 jastaǵy turǵynyn ustady. Qylmystyń sebebi anyqtalyp jatyr. Osyǵan baılanysty polıtsııa departamenti ata-analardan balalardy qaraýsyz qaldyrmaýdy suraıdy», - dep habarlady oblystyq PD baspasóz qyzmetiniń jetekshisi Erbolat Sarqulov.

Ata-analardyń nemquraılyǵy kóbine kámelet jasqa tolmaǵandardyń qylmys jasaýyna sebep bolyp jatady.

«Jasóspirimder arasyndaǵy qylmys pen quqyq buzýshylyqtyń aldyn alý otbasynyń, sondaı-aq mekteptiń negizgi mindeti. Keıde balalar kishkentaıynan qylmystyq áreketke baryp jatady. Sondyqtan qylmys pen quqyq buzýshylyqtyń ata-ana, muǵalim jáne polıtsııa qyzmetkerleriniń mindeti», - dedi oblystyq PD bastyǵynyń birinshi orynbasary Qanat Álıev.


Joǵary qaraı