Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede jaıaý júrginshini qaǵyp ketken júrgizýshi oqıǵa ornynan qashyp ketti

2021 jyldyń 7 jeltoqsan 2021 20:06

AQTÓBE. QazAqparat – Aqtóbede 24 jastaǵy jaıaý júrginshini kólik qaǵyp ketti. Ol aýrýhanaǵa jatqyzyldy, dep habarlaıdy QazAqparat tilshisi.

Oqıǵa 6 jeltoqsan kúni Aqtóbe qalasynda boldy. «VAZ-21099» avtokóliginiń júrgizýshisi Mánshúk Mámetova kóshesinde 24 jastaǵy jaıaý júrginshini qaǵyp ketken.

«Jol apatynan keıin kólik júrgizýshisi belgisiz baǵytqa qashyp ketken. Polıtsııa qyzmetkerleri jedel-izdestirý sharalaryn júrgizý barysynda 32 jastaǵy júrgizýshini ustady.

Medıtsınalyq saraptama qorytyndysyna súıensek, júrgizýshi kólikti jeńil dárejedegi mas kúıinde basqarǵan. Jol-kólik oqıǵasy saldarynan jaıaý júrginshi Aqtóbe qalalyq jedel járdem aýrýhanasyna jatqyzyldy», - dedi oblystyq Polıtsııa departamenti baspasóz qyzmetiniń jetekshisi Erbolat Sarqulov.

Oqıǵaǵa qatysty Qylmystyq kodekstiń «Alkogoldik, esirtkilik jáne (nemese) ýytqumarlyq masań kúıde kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» baby boıynsha sotqa deıingi tergeý júrgizilip jatyr.

Aıta keteıik, taıaýda ǵana Aqtóbede júrginshiler jolaǵynan ótip bara jatqan 10-synyp oqýshysyn kólik qaǵyp ketti. Ol oqıǵa ornynda kóz jumdy.


Joǵary qaraı