Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede jol apattarynan bir kúnde 3 adam kóz jumdy

2021 jyldyń 3 tamyz 2021 22:21

AQTÓBE. QazAqparat – Aqtóbede bir kúnde eki jol apaty tirkeldi. Saldarynan júrgizýshi men eki jolaýshy kóz jumdy, dep habarlaıdy QazAqparat tilshisi.

Birinshi oqıǵa Áıteke bı aýdany, Úshqatty aýyly mańynda boldy. 25 jastaǵy júrgizýshi rýlge ıe bola almaı qalyp, kólik aýdarylǵan. Saldarynan 23 jastaǵy jolaýshy sol jerde kóz jumsa, júrgizýshi men tórt jolaýshy Áıteke bı aýdandyq aýrýhanasyna jetkizildi.«Samara-Shymkent» tasjolynyń Áıteke bı aýdany Qarabutaq kentiniń mańynda «Volkswagen-Golf» pen «Daf» kólikteri soqtyǵysty. «Volkswagen-Golf» júrgizýshisi qarsy jolaqqa shyǵyp, rýlge ıe bola almaı qalǵan. Saldarynan kóliktiń 30 jastaǵy júrgizýshisi men 31 jastaǵy jolaýshysy alǵan jaraqattarynan oqıǵa ornynda kóz jumdy. Sol kóliktiń eki jolaýshysy Áıteke bı aýdanynyń ortalyq aýdandyq aýrýhanasyna jatqyzyldy», - dep habarlady oblystyq Polıtsııa departamentiniń baspasóz qyzmetinen.Qazir eki jol-kólik oqıǵasyna baılanysty Qylmystyq kodekstiń «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» baby boıynsha sotqa deıingi tergeý júrgizilip jatyr.





Joǵary qaraı