Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbedegi áskerı ınstıtýt ujymy Jeńis kúni merekesinde ardagerlerdi quttyqtady

2021 jyldyń 10 mamyr 2021 00:11

AQTÓBE. QazAqparat - T.Bıgeldınov atyndaǵy áýe qorǵanys kúshteri áskerı ınstıtýty soǵys arlagerlerin quttyqtap, Máńgilik alaýǵa gúl qoıdy, dep habarlaıdy QazAqparat tilshisi.

Aqtóbe oblysynda resmı shara ótpedi. Biraq qala turǵyndary Jeńis kúni Máńgilik alaýǵa jınalyp, gúl qoıdy. Álııa Moldaǵulova eskertkishine taǵzym etip, Batyrlar alleıasyndaǵy Keńes Odaǵynyń batyrlary músinine urpaqtary keldi. Eki márte Keńes Odaǵynyń batyry Talǵat Bıgeldınov atyndaǵy áýe qorǵanys kúshteri áskerı ınstıtýtynyń bastyǵy Dáýren Qosanov ta Máńgilik alaýǵa baryp, gúl qoıdy.

«Ata-baba erligi eshqashan umytylmaıdy. Biz Baýyrjan Momyshuly, Talǵat Bıgeldınov, Álııa Moldaǵulova, Mánshúk Mámetovamen qatar soǵysqa qatysyp, azattyq úshin kúresken ardagerlerimizdi únemi jadymyzda ustaımyz. Olardyń esimin aıta berýge bolady», - dedi Dáýren Qosanov.




Áskerı ınstıtýttyń tárbıe jáne ıdeologııalyq jumystar basqarmasy men áskerı orkestr soǵys ardagerlerin quttyqtaýǵa arnaıy bardy. Olar Mıhaıl Dıdenkonyń shańyraǵyna baryp, azyq-túlik sebetip tartý etti. Áskerı orkestr soǵys jyldary rýh bergen ánderdi shyrqady.




«Ótken jyly tótenshe jaǵdaı jarııalanyp, ardagerlerdi quttyqtaý múmkin bolmady. Al bıyl jeńildik qarastyryldy. Bizdiń mindet - qurmet kórsetý. Erligine, beıbit kún syılaǵan batyrlyǵyna taǵzym etip, alǵys bildirý. Jyl saıyn osy qalpymyzdan tanǵan emespiz. Ardagerlerge bas ıemiz», – dedi áskerı ınstıtýttyń tárbıe jáne ıdeologııalyq jumystar basqarmasynyń aǵa ofıtseri Álibek Nııazov.





Joǵary qaraı