Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqtóbedegi Qazaq-Orys halyqaralyq ýnıversıtetinde óreskel zańbuzýshylyqtar anyqtaldy - BǴM

2022 jyldyń 19 mamyr 2022 17:45

NUR-SULTAN. QazAqparat – Oqý orny profılaktıkalyq baqylaý paraǵyndaǵy 46 tarmaqtyń 32-si boıynsha talaptardy buzǵan. Bul týraly QR BǴM Bilim jáne ǵylym salasyndaǵy sapany qamtamasyz etý komıteti málim etti, dep habarlaıdy QazAqparat mınıstrliktiń baspasóz qyzmetine silteme jasap.

Aıtalyq, stýdentterge lektsııany biliktilik talaptaryna saı kelmeıtin oqytýshylar oqıdy. Máselen, «Áýe kóligin paıdalaný» mamandyǵy boıynsha bazalyq bilimi bar muǵalim «Mektepke deıingi tárbıedegi ınnovatsııalyq tehnologııalar» jáne «Bastaýysh mektepte tárbıe jumysynyń teorııasy men ádistemesi» pánderinen sabaq beredi. Al, dene shynyqtyrý pániniń muǵalimi mýzykalyq ónerdiń teorııasy men ádistemesin oqytady.

«Sondaı-aq, profılaktıkalyq baqylaý barysynda keıingi 5 jylda birde-bir ǵylymı maqala jazbaǵan oqytýshylar magıstrlik dıssertatsııalarǵa ǵylymı jetekshilik etetini anyqtaldy», - deıdi QR BǴM Bilim jáne ǵylym salasyndaǵy sapany qamtamasyz etý komıteti tóraǵasynyń orynbasary Gúljan Jarasova.

Mınıstrlikten málim etkendeı, stýdentter men oqytýshylar týraly naqty derekter UBDQ málimetterine sáıkes kelmeıdi. Derekter bazasynda 335 oqýshy men kóptegen muǵalim týraly aqparat joq.

Onymen qosa, ýnıversıtet stýdentterdiń oqý júktemesi men olardy qorytyndy attestatsııadan ótkizý talaptaryn saqtamaıdy. Bakalavrıat jáne magıstratýra stýdentteri akademııalyq kredıtterdi tolyq kólemde ıgermegen.

Ýnıversıtet oqý kabınetterimen jáne zerthanalyq bazamen jetkilikti qamtamasyz etilmegen. Keıbir kabınetter sanıtarlyq talaptarǵa saı kelmeıdi.

Vedomstvo stýdentterdiń bilim nátıjesi de kóńil kónshitpeıtinin aıtady, 96%-y shekti deńgeıden óte almaǵan.

«Ýnıversıtetke barlyq anyqtalǵan zańbuzýshylyqty joıýǵa ýaqyt berildi. Alaıda, oqý ornyń ornyna, tekserý nátıjesine shaǵymdanýmen ýaqyt ótkizip jatyr. Birinshi satydaǵy sottyń sheshimimen komıtettiń barlyq ákimshilik aktisi zańdy dep tanyldy, al ýnıversıtettiń shaǵymy qanaǵattandyrýsyz qaldyryldy», - delingen mınıstrlik málimdemesinde.

Mınıstrlik talapkerlerge, stýdentterge jáne olardyń ata-analaryna joǵary oqý ornyn tańdaý kezinde bilim sapasyna mán berý keregin eskertedi.

Eske sala keteıik, Bilim jáne ǵylym mınıstri Ashat Aımaǵambetovtyń aıtýynsha, bıyl aýyl mektepteri túlekteriniń joǵary bilim alýǵa qoljetimdiligin qamtamasyz etý maqsatynda olardyń kvotasy 35 paıyzǵa deıin ulǵaıtylady.


Joǵary qaraı