Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbelik kórshisiniń qujatymen 12 nesıeni onlaın rásimdegeni úshin sottaldy

2021 jyldyń 20 qyrkúıek 2021 22:10

AQTÓBE. QazAqparat – Aqtóbe qalalyq sotynda sottalýshy Aısulý Ordaqulovaǵa qatysty qylmystyq is qaraldy. Ol tanysynyń qujattaryn ıemdenip, onlaın túrde 12 nesıe rásimdegen, dep habarlaıdy QazAqparat tilshisi.

№2 Aqtóbe qalalyq sotynda 31 jastaǵy Aısulý Ordaqulovaǵa qatysty qylmystyq is qaraldy. Oǵan Qylmystyq kodekstiń «Alaıaqtyq» baby boıynsha aıyp taǵyldy. Іs materıalyna súıensek, A.Ordaqulova «kommýnaldyq qyzmet tólemin jasaımyn» degen syltaýmen tanysynyń jeke kýáligi men ekinshi deńgeıli bank kartasyn ıemdengen. Keıin qujattardy onlaın nesıe rásimdeýge paıdalanǵan. Sóıtip 2017 jyldyń qarasha-jeltoqsan aılarynda 12 nesıe rásimdegen. Sottalýshy Aısulý Ordaqulova sotta bar kinásin moıyndap, aqshany óz qajettiligine jumsaǵanyn aıtty.

«Memlekettik aıyptaýshy sottan A.Ordaqulovaǵa 3 jyl merzimge bas bostandyǵynan aıyrý jazasyn taǵaıyndaýdy surady. Sot qylmystyq quqyq buzýshylyqtyń sıpaty men qoǵamdyq qaýiptilik dárejesin, jaýapkershilik pen jazany jeńildetetin mán-jaılardy, kináliniń jeke basyn eskere otyryp, A.Ordaqulovany 3 jyl 3 aı merzimge bas bostandyǵynan aıyrý jazasyn taǵaıyndady. Sot úkimi zańdy kúshine engen joq»,- dep habarlady oblystyq sottyń baspasóz qyzmeti.


Joǵary qaraı