Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqtóbelik muǵalimder revaktsınatsııadan ótip jatyr

2022 jyldyń 27 qańtar 2022 01:01

AQTÓBE. QazAqparat – Buǵan deıin túgel vaktsına saldyrǵan aqtóbelik muǵalimder qazir ujym bolyp, revaktsınalaýdan ótip jatyr, dep habarlaıdy QazAqparat tilshisi.

Aqtóbe qalasyndaǵy mektepterde muǵalimderdi revaktsınalaý jalǵasyp jatyr. Mobıldi toptar bilim ordalaryna arnaıy baryp, buǵan deıin vaktsınanyń eki komponentin qabyldaǵan, arada alty aı ótken ustazdarǵa vaktsına saldy. №21 gımnazııadaǵy 67 muǵalimniń 22-i búgin ımmýndaý sharasyna qatysty.

«Ózim dene tárbıesi pániniń muǵalimimen. Balalarmen tyǵyz baılanysta bolǵandyqtan qaýipsizdikti birinshi orynǵa qoıamyz. Sondyqtan ujym bolyp saqtanýdy jón dep taptyq. Búgin revaktsınalaýten óttim. Vaktsınanyń keri áserin sezbedim», - dedi muǵalim Jambyl Mahambaev. Ustazdardyń keıbiri Spýtnık V vaktsınasynan keıin Spýtnık laıtty saldyrdy. Al keıbiri ózgerisin tańdady. №21 mektep gımnazııada 1600-den astam oqýshy bolsa, onyń teń jartysyna jýyǵy onlaın bilim alyp júr.




«Ujymdyq ımmýnıtetti qalyptastyrý maqsatynda mektebimizdegi 100-den astam muǵalimniń bári vaktsına saldyrdy. Revaktsınatsııa kezeńine jetken 60-dan astam pedagogtyń 58-i úshinshi komponentti qabyldady. Bilim alýshylarǵa keler bolsam, 47 joǵary synyp oqýshysy Pfizer qabyldady. Mektepte qazir barlyq sanıtarlyq talap saqtalǵan. Oqýshy kirip-shyqqanda dene qyzýy ólshenedi jáne árbir synyptyń jýrnalyna jazylady. Muǵalimder «Ashyq» qosymshasyn paıdalanady jáne olar da dene qyzýyn ólsheıdi. Bir synyp, bir kabınet jobasy boıynsha jumys istep júrmiz. ıAǵnı, balalar kabınetterin aýystyrmaıdy. Úzilis ýaqyttary da ártúrli. Eki sabaq saıyn kabınet jýylyp, tazartylady», - dedi №21 mektep gımnazııasy dırektorynyń orynbasary Gúljanat Álı.

Aıta keteıik, №69 mektepte de revaktsınalaý júrdi. Ujym mobıldi topty shaqyryp, mektep ishindegi ekpe kabınetinde vaktsına saldyrdy.





Joǵary qaraı