Aýa raıy
Astana 27 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Aqtóbelikter aýrýhanadaǵy naýqastarǵa qymyz ben etti tegin jetkizýde

2020 jyldyń 11 shilde 2020 19:20

AQTÓBE. QazAqparat – Aqtóbe oblysynyń Qobda aýdanynda sharýalar qoı soıyp, aýrýhanaǵa qymyz ben saýmal jetkizdi, dep habarlaıdy QazAqparat tilshisi.

Qobda aýdany ákimdiginiń uıymdastyrýymen sharýa qojalyǵynyń basshylary men jergilikti kásipkerler aýdandyq aýrýhanada emdelip jatqan azamattardyń ımmýnıtettin jaqsartý maqsatynda qymyz ben qoı etin tegin taratty.
«Bul ıgilikti iske «Jaqsylyq» sharýa qojalyǵynyń basshysy Nurbolat Muqatov, «Ertemir» sharýa qojalyǵynyń basshysy Kenjesh Baıjýanov, «Edil» sharýa qojalyǵynyń basshysy Álim Sarmanov, «Ulan» sharýa qojalyǵynyń basshysy Azamat Mahatov, «Dáribaı» sharýa qojalyǵynyń basshysy Baýyrjan Qultaev bir-bir qoıdan berip, aýdandyq aýrýhananyń ashanasyna tapsyrdy. Jerlesterimiz aýrýhanaǵa ottegimen demalatyn qurylǵy tartý etse, eki kúnde sharýa qojalyqtary 200 keli qoı etin tabys etip, «Mahambet» sharýa qojalyǵynyń basshysy Baýyrjan Mahambetov qymyz, saýmal berdi. Aldaǵy ýaqytta da janashyrlyq tanytyp, óz úlesin qosamyn dep yqylas tanytqan kásipkerlerdiń qaıyrymdy isterin uıymdastyryp, keste boıynsha aýrýhanaǵa jetkizý josparda bar«, - dep habarlady Qobda aýdanynyń ákimdigi.
Aıta keteıik, Aqtóbe oblysynda koronavırýs ınfektsııasyn juqtyrǵandar sany 2 myńnan asty. Sońǵy táýlikte 87 adamnyń indetke shaldyqqany belgili boldy.





Joǵary qaraı