Aýa raıy
Astana 5 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

Aqtoty Raıymqulova qazaqstandyqtardy Abaı kúnimen quttyqtady

2020 jyldyń 10 tamyz 2020 00:40

NUR-SULTAN. QazAqparat – Búgin Abaı kúni. Elimizde tuńǵysh ret atalyp ótkeli otyrǵan merekemen qazaqstandyqtardy QR Mádenıet jáne sport mınıstri Aqtoty Raıymqulova quttyqtady, dep habarlaıdy QazAqparat tilshisi.

Aqtoty Raıymqulovanyń quttyqtaýy búgin mınıstrliktiń áleýmettik jelidegi paraqshasynda jarııalandy.

«Qurmetti otandastar! Qadirmendi áriptester!

Búgin 10 tamyz əlemdik deńgeıdegi oıshyl, ult rýhanııatynyń temirqazyǵy – Abaı Qunanbaıulynyń týǵan kúni.

Halqymyz osy qýanyshty kúndi úlken qurmetpen qarsy alǵaly tur. Osylaısha Hakim Abaıǵa, ult mádenıetine qurmet kórsetýdi jalǵastyra beremiz.

Elbasy, Ult kóshbasshysy Nursultan Nazarbaev: «Abaı álemi bizdi jeti túnde adastyrmaıtyn temirqazyq ispetti»,- dep aldaǵy baǵyt-baǵdarymyzdy kórsetip bergen bolatyn. Endeshe, biz osy sózdi sanaǵa sińirip, qashanda úlgi etip otyrýymyz kerek.

Al Qazaqstan Respýblıkasynyń Prezıdenti Qasym-Jomart Toqaev óziniń «Abaı jáne HHІ ǵasyrdaǵy Qazaqstan» atty kontseptýaldy maqalasynda: «Ǵulama Abaı – qazaq topyraǵynan shyqqan álemdik deńgeıdegi kemeńger. Ol kúlli adamzat balasyna aqyl-oıdyń jemisin syılady»,-dep dara perzenttiń danalyq ornyn aıqyndap kórsetken edi.

Rasynda uly aqyn óz shyǵarmalarynda nasıhattaǵan eńbeksúıgishtik, bilimge degen qushtarlyq, izgilik pen parasatqa zeıin qoıyp, tárbıe alý – búgingi urpaqtarynyń aldynda turǵan mindettiń biri. Saıyp kelgende, bul tek bıyl uly aqynnyń 175 jyldyǵynda atqarylatyn sharýa emes. Osy jyldan bastaý alyp, Mədenıet jəne sport mınıstrliginiń negizgi ıdeologııalyq baǵytyna aınalady. Hakim Abaı aıtqan izgi qundylyqtar ómirsheńdigin joımaq emes.

Úkimet qaýlysymen 10 tamyz – Abaı kúni bolyp jarııalanyp, memlekettik merekeler kúntizbesine engizildi. Bul – úlken qýanysh! Bárińizdi shyn júrekten quttyqtaımyn!

Bul – siz ben bizdiń ortaq jetistigimiz».-dedi mınıstr.

Sondaı-aq ol quttyqtaýda bul kúni elimizdiń ortalyqtarynda, ər aımaǵynda búgingi kúnniń talabyna saı, negizinen online formattam ádenı is-sharalar ótetinin aıtty.

«Bul kúni óńirlerde toı toılaıtyn emes, oı tolǵaıtyn birqatar mazmundy is-shara josparlanǵan. Bul rette Semeıdegi Qazaqstan Respýblıkasy «Jıdebaı-Bórili» memlekettik tarıhı-mədenı jəne ədebı-memorıaldyq qoryǵynda «Abaı jáne HHІ ǵasyr: bolashaqpen suhbat» atty halyqaralyq konferentsııa, «Abaı murasy – ult rýhanııatynyń altyn ózegi» atty onlaın kezdesý, «Abaı murasy» atty onlaın-mýzeılik dəris, «Abaı – halyqtyń danalyǵy» vırtýaldy kórmesi, «Abaı əlemi» onlaın-kontserti, uly aqyn mereıtoıyna oraı beıne-dəris ótedi. Osynaý oraıly sətti paıdalana otyryp, atalǵan basqosýlardyń sátti ótýine tilektestik bildirgim keledi.

Qazirgi əlemdik koronavırýs indetine baılanysty barlyq is-shara onlaın formatta ótedi.

Sondaı-aq osyǵan deıin birshama is-shara uıymdastyrylǵandaı aldaǵy ýaqytta da kóptegen ádebı-mádenı is-sharalar jalǵasyn taba beredi.

Qurmetti otandastar, ardaqty aǵaıyn, barshańyzdy mən-mańyzy joǵary, rýhanı merekemen shyn júrekten quttyqtaımyn!»,-dep jazylǵan quttyqtaý hatynda.


Joǵary qaraı