Aýa raıy
Astana -9 °S
Almaty 0 °S
valıýta baǵamy
USD 388.70
EUR 428.70
RUB 6.08
CNY 55.46

Aqtoty Raıymqulova Ulttyq qoǵamdyq keńes múshelerimen kezdesti

2019 jyldyń 13 qazan 2019 00:07

NUR-SULTAN. QazAqparat - Mádenıet jáne sport mınıstri Aqtoty Raıymqulova QR Prezıdenti janyndaǵy Ulttyq qoǵamdyq senim keńesi múshelerimen jıyn ótkizdi. Bul týraly QazAqparat mınıstrliktiń baspasóz qyzmetine silteme jasap habarlaıdy.

Kezdesýge Ulttyq qoǵamdyq senim keńesi Áleýmettik-mádenı jańǵyrtý máseleleri jónindegi jumys toby músheleri qoǵam qaıratkeri, «Nur Otan» partııasy respýblıkalyq qabyldaýynyń konsýltanty Aýyt Muqıbek, Qazaqstan Respýblıkasy Parlamenti Májilisiniń depýtaty Jambyl Ahmetbekov, Qoǵam qaıratkeri, «Qazaq úni» JShS prezıdenti Qazybek Isa, Quqyq qorǵaý qaıratkeri Aıgúl Orynbek keldi.

Sonymen qatar, alqaly jıynǵa Mınıstrliktiń mádenıet jáne sport máseleleri jónindegi qoǵamdyq keńes músheleri: TMD Parlamentaralyq assambleıasynyń múshesi, L.N.Gýmılev atyndaǵy Eýrazııa ulttyq ýnıversıtetiniń, Qazaqstan halqy Assambleıasy kafedrasynyń meńgerýshisi Anatolıı Bashmakov; QR Mádenıet, sport, týrızm jáne aqparat qyzmetkerleriniń salalyq kásipodaǵynyń tóraıymy Svetlana Imanqulova jáne mádenıet jáne sport salasynyń qaıratkerleri qatysty.

Qazaqstan Respýblıkasynyń Ulttyq akademııalyq kitaphanasyndaǵy jıynda mádenıet jáne sport, týrızm salasy boıynsha qazirgi tańda qordalanyp qalǵan máselelerge Mádenıet jáne sport mınıstrliginiń basshylyǵy jáne qurylymdyq bólimsheler basshylary sondaı-aq Mádenıet jáne sport mınıstrligine vedomstvolyq baǵynysty uıymdardyń basshylary jaýap berdi.

Ulttyq qoǵamdyq senim keńesi músheleriniń mádenıet, óner, týrızm, til saıasatynyń damýy boıynsha usynystary keńinen talqylandy.

Mádenıet jáne sport mınıstri Aqtoty Raıymqulova Memleket basshysynyń bastamasymen qurylǵan Ulttyq qoǵamdyq senim keńesiniń múshelerine osynaý kezdesýge kelgenderi úshin alǵys aıta otyryp: «Memleket basshysy jańǵyrý qoǵamdyq pikirdi tolyq zerttep alǵan soń ǵana bastalatynyn, qoǵamdy alańdatqan ózekti máselelerdiń barlyǵy egjeı-tegjeıli qaralyp, sheshimin tabýy tıis ekenin aıtqan bolatyn», dedi.

Osy rette A.Raıymqulova mınıstrliktiń kez kelgen qyzmetkeri ult taǵdyryna alańdap, ózindik usynys pikir bildiretin el azamattarynyń ótinishin tyńdaýǵa árqashan daıyn ekenin jetkizdi.

Qazirgi tańda qazaq qoǵamyn alańdatyp otyrǵan memlekettik til máselesi ekeni daýsyz. Ulttyq qoǵamdyq senim keńesi múshesi Qazybek Isa: «Memlekettik qyzmetke ótinish bergen talapker ult tilinde sóıleýi kerek»,dedi. Bul pikirdi qoǵam belsendisi, alashtanýshy ǵalym Sultanhan Aqqululy qýattaı kele: «Elbasy Nursultan Nazarbaevtyń tapsyrysy boıynsha 2025 jylǵa deıin latyn álipbıine kóshý kún tártibinde turǵan ózekti taqyryp. Osy oraıda, jańa álipbıdi jasaýda kezinde Ahmet Baıtursynuly qurastyrǵan nusqany esepke alsa eken deımin. Sebebi, bul tilimizdegi kirme áripterden arylýǵa kómegin tıgizedi. Sonymen qatar qazir aty-jón jazýdy bir izdilikke salatyn kez keldi dep esepteımin. Sebebi, munyń ózi mádenıettiliktiń belgisi»,-dep aıtty.

Osy aıtylǵan máselelerge QR mádenıet jáne sport mınıstrliginiń Til saıasaty komıtetiniń basshysy Ǵalymjan Meldeshov jaýap berdi.

«Qazir Ahmet Baıtursynuly atyndaǵy til bilimi ınstıtýtynyń ǵalymdary latyn álipbıiniń birneshe úlgisin jasap shyqty. Oǵan qosa qazir til ǵalymdary emle máselesi boıynsha da tynbaı jumys istep jatyr. Qandaı da bir ortaq mámilege keletinimizge senemin»,-dedi.

Qoǵam qaıratkeri, «Nur Otan» partııasy respýblıkalyq qabyldaýynyń konsýltanty Aýyt Muqıbek qazaq mádenıeti ulttyń máıegi ekenin aıta kele osy baǵytta atqarylyp jatqan ister týraly saýal qoıdy.

Mınıstr Aqtoty Rahmetollaqyzy elimizdiń Mədenı damýynyń 2020-2030 jyldarǵa arnalǵan strategııasy bastaǵan onshaqty jobany tanystyrdy.

Bul baǵytta mańyzdy usynys bildire alatyn tulǵalardyń tizimi jasaqtalyp jatqanyn, tizim áli tolyqtyrylatynyn aıtty.

Osy kezde qoǵam qaıratkerleri Qazybek Isa, Aýyt Muqıbek mınıstrlikte qurylatyn Keńeske múshelikke eldiń betke ustar azamattaryn, shetelderde turyp jatqan tulǵaly azamattardyń esimderin kirgizýdi surady.

«Sebebi, qazaq mədenıeti men tarıhyna qatysty altyn qazynanyń qomaqty bóligi osy eki elde. Al, TMD quramyndaǵy elderdiń mədenıet t.b. saladaǵy jaǵdaıdy mınıstrlik jasaǵan tizimdegi tulǵalar tolyq biledi. Jáne bir aıtarym Təýelsizdik jyldary oralǵan qandastarymyzdyń, əsirese, jastardyń ómirin arqaý etken qysqa metrajdy bolsa da kıno túsirilse»,-degen usynys aıtty Aýyt Muqıbek.

Mınıstr óz kezeginde Aýyt Muqıbektiń usynysyn quptap, qabyldady.

Jınalysqa qatysyp otyrǵan «Qazaqfılm» basshysy Arman Əsenov myrza jaqsy stsenarıı usynylsa, máseleniń oń sheshimin tabatynyn jetkizdi.

Jýyrda ǵana «Saryarqa Aqparat» JShS-niń dırektory qyzmetine taǵaıyndalǵan Oljas Berkinbaev Mádenıet jáne sport mınıstri Aqtoty Raıymqulovamen ótken jıyn barysynda qazaq tiliniń tamyryna qan júgirtý maqsatynda shetelde turatyn qazaq balalary arasynda, dıplomattar arasynda qazaq tilinen olımpıada ótkizilse degen usynys aıtty. Bul usynys ta mınıstr tarapynan qoldaý tapty.

Ulttyq keńes músheleri Joshy han kesenesi turǵan Ulytaýdy halyqaralyq týrızm mekenine aınaldyrý baǵytynda atqarylyp jatqan jumystar týraly da saýal tastady.

Qazaqstandy álemge tanytýdyń bir joly elimizdegi týrızmdi damytý. Kúni keshe ǵana el astanasynda Dúnıejúzilik týrızm uıymynyń bastamasymen halyqaralyq sammıt ótti. Mınıstr osy uıymnyń basshysymen kezdesip ortaq máselelerdi talqylaǵanyn aıtty.

«Eldegi týrızmdi qoldap sol arqyly qazaqstandy álemge tanytý týraly Elbasy únemi aıtyp keledi. Qazirgi tańda Ulytaýda sapar ortalyǵy qurylysy júrip jatyr. Sonymen qatar Ál Farabıdiń 1150 jyldyǵy, Altyn ordanyń 750 jyldyǵy mınıstrliktiń alda atqarylatyn keshendi josparynda tur», dedi A.Raıymqulova.

Kezdesý sońynda aıtylǵan oı-pikir, usynystardy qorytyndylaı kele QR Mádenıet jáne sport mınıstri alqaly basqosýǵa qatysýshylarǵa alǵys aıtyp aldaǵy ýaqyttarda da osyndaı otyrystar turaqty túrde ótkizilip turatynyn jetkizdi.

Joǵary qaraı