Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqylbek Kúrishbaev Qazaqstannyń organıkalyq ónim óndirý áleýeti týraly aıtty

2021 jyldyń 26 qazan 2021 13:51

NUR-SULTAN. QazAqparat - Búgin Senatta organıkalyq ónimderdi óndirý jáne olardyń aınalymy máselelerine arnalǵan zań jobalaryn tanystyrý kezinde senator Aqylbek Kúrishbaev Qazaqstannyń organıkalyq ónim óndirý áleýetin aıtty, dep habarlaıdy QazAqparat tilshisi.

«Organıkalyq ónimniń baǵasy dástúrli ónimge qaraǵanda álemdik naryqta eń az degende 15 paıyzǵa, kóp degende eki ese qymbat. Ózderińizge málim, bizdiń jerimiz de, sýymyz da ekologııalyq taza. Osyǵan baılanysty organıkalyq ónimdi óndirý biz úshin básekelestiktik artyqshylyq deýge bolady. Sondyqtan, Memleket basshysy elimizde organıkalyq óndirisin damytý qajettiligi týraly birneshe ret atap kórsetken bolatyn. Qazirgi tańda organıkalyq ónimdi alpys shaqty otandyq kásiporyn óndirip, eksporttaıdy. Sońǵy jyldary eksporttyń mólsheri 15-17 mıllıon AQSh dollaryna jetti, bul kórsetkish boıynsha TMD memleketteriniń ishinde biz ekinshi oryndamyz», - dedi A. Kúrishbaev.

Onyń aıtýynsha, sarapshylardyń boljamy boıynsha, Reseı men Qazaqstannyń organıkalyq ónim óndirý boıynsha álemdik naryqtaǵy áleýettik úlesi 20 paıyz.

«Bul úlken kórsetkish, ári mejeli maqsat. Eksportty bolashaqta 2-3 mıllıard dollarǵa deıin kóterýge bolady, ıaǵnı qazirgi deńgeıden kem degende 100-200 ese. Qazir bul mańyzdy sala nege damymaı jatyr?

Meniń oıymsha, eki úlken mańyzdy másele bar. Birinshi másele – bizdiń óndiretin organıkalyq ónimimizdi ımporterlar moıyndaý qajet. Basqa sózben aıtqanda, bizdiń standarttar solardyń standarttaryna sáıkes bolý kerek. Ekinshi – bizdiń fermerlerimizdiń organıkalyq óndiristi ıgerýi. Óıtkeni, onyń óziniń tártibi, tehnologııasy bar - tuqymnan, tyńaıtqyshtardan bastap, topyraqtyń qunarlylyǵyna deıin. Bul rette, fermerlerdiń bilimin kóterý óte mańyzdy», - dedi senator.

Budan buryn habarlanǵandaı, búgin Senatta Palata Spıkeri Máýlen Áshimbaevtyń tóraǵalyǵymen organıkalyq ónimderdi óndirý jáne olardyń aınalymy máselelerine arnalǵan zań jobalaryn tanystyrý rásimi ótti.


Avtor Rýslan Ǵabbasov
Basty sózder: Senat, Parlament, Ónerkásip,
Joǵary qaraı