Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqyn Kúlásh Ahmetovanyń bes tomdyq shyǵarmalar jınaǵynyń tusaýy kesildi

2021 jyldyń 27 aqpan 2021 01:10

TARAZ. QazAqparat – Jambyl oblysynyń ákimi Berdibek Saparbaev belgili aqyn, Memlekettik syılyqtyń laýreaty Kúlásh Ahmetovanyń shańyraǵynda bolyp, jaqynda jaryq kórgen aqynnyń bes tomdyq jınaǵynyń tusaýyn kesti, dep habarlaıdy QazAqparat tilshisi.

Qazaqtyń aıaýly aqyny Kúlásh Ahmetova bıyl 75 jasqa tolady.

Sanaly ǵumyryn qasterli poezııaǵa arnaǵan aqyn qazaq ádebıetin taǵy da óziniń injý-marjanymen tolyqtyrdy.

Onyń bul qýanyshyna oblys ákimi Berdibek Mashbekuly ortaqtasyp, Kúlásh Ahmetova men jary Qaıyrbek Asanovtyń shańyraǵyna arnaıy atbasyn burdy.

«Ultty tanytatyn ádebıet pen óner. Ádebıet te, óner de máńgilik jasaı beredi. Ákimder qyzmetke keledi, ketedi. Al aqynnyń murasy ómir baqı qalady. 14 jasynda jyr jazý degen árkimniń basyna berile bermeıtin baq. Siz sol Ulbıke apamyzdyń jolyn jalǵastyryp, osyndaı ádebı muralardy basyp shyǵardyńyz. Sizdi «qazaq poezııasynyń aq gúli» dep el beker aıtqan joq. Bes kitapqa Ábdildá Tájibaev aǵamyzdan bastap, Ábish Kekilbaev, Qadyr Myrza Álılerdiń alǵy sóz jazýy tegin emes. Bul Sizdiń óleńderińizdiń qundylyǵy, ásirese qazirgi zamanǵa kerek ekendiginiń nyshany. Otandy qalaı súıý kerek, qalaı taza eńbek etý kerek, sonyń barlyǵy jyrlaryńyzda tunyp tur. Mahabbat degen tek qana adam men adamnyń arasynda ǵana emes ekenin, ultyna, Otanyna, jerine degen mahabbatty jaqsy jazǵansyz. Sizdiń jolyńyz jastarǵa ónege bolýy kerek. Siz shyǵarmashylyǵyńyzǵa arqaý etken adaldyq, shyndyq, ultty súıý árbir urpaqqa úlken perzenttik paryz»,- degen Berdibek Mashbekuly izgi tilegin bildirdi.

Kúlásh Ahmetova aldaǵy ýaqytta Otan jaıly kitap shyǵarýdy josparlap otyrǵanyn tilge tıek etti.

«Sizge arnaǵan óleńimniń bir jolynda: «Sen júgirseń elge qaraı júgirdiń, Sen júginseń ádiletke júgindiń, Sen halyqtyń tóbesinen qaramaı, Sen halyqtyń júregine úńildiń» degenimdeı árdaıym halyqpen birge ekenińizdi kórip júrmiz. Ony ózińiz ilkimdi istermen dáleldep kelesiz. Aldaǵy ýaqytta Otan degen kitap shyǵaraıyn dep jatyr edim. Oǵan ózimniń tabanym tıgen elimizdiń ár óńiri, ıaǵnı Qazaqstannyń tabıǵaty jaıly jyrlarym enedi. Siz sekildi ádebıet jaıly sóıleý árbir ákimniń qolynan kelmeıdi. Sondyqtan sol kitabyma ózińiz alǵysóz jazyp berseńiz», – degen usynysyn jetkizdi.




Oblys ákimi Berdibek Saparbaev pen jazýshy-dramatýrg Elen Álimjan jańa jınaqtyń tusaýyn kesken soń, jas aqyndar óleń oqydy.








Avtor Saıa Sembaı
Basty sózder: Jambyl oblysy, Mádenıet, Ádebıet,
Joǵary qaraı