Aýa raıy
Astana 9 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Alakól men Býrabaıǵa baratyn otbasynyń kem degende bir múshesi PTR-testten ótýi kerek

2020 jyldyń 28 shilde 2020 17:27

NUR-SULTAN. QazAqparat - Alakól men Býrabaıǵa demalýǵa baratyn otbasynyń kem degende bir múshesinde PTR-test anyqtamasy bolýy kerek. Bul talap týraly MSM Týrızm ındýstrııasy komıtetiniń tóraǵasy Dastan Ryspekov aıtty, dep habarlaıdy QazAqparat tilshisi.

«Eldegi epıdemıologııalyq jaǵdaıdyń nasharlaýyna baılanysty koronavırýs ınfektsııasynyń taralýyn shekteý jáne azamattardyń qaýipsizdigin qamtamasyz etý maqsatynda aýmaqtarda karantındik sharalar qaıtadan engizilgenin bilesizder. Osyny eskere otyryp, keıbir óńirlerdegi demalys oryndarynda jáne kýrorttyq aımaqtarda, atap aıtqanda Shyǵys Qazaqstandaǵy Alakól jaǵalaýynda jáne Shýche, Býrabaı kýrorttyq aımaǵynda demalýshylardy qabyldaýdy toqtatý týraly sanıtarlyq dárigerdiń qaýlylary qabyldanǵan bolatyn. Kýrorttyq aımaqtardaǵy ornalastyrý oryndarynyń úzdiksiz jumys isteýin qamtamasyz etý jáne tólengen brondar boıynsha aqshalaı qarajatynyń qaıtarylýyn boldyrmaý maqsatynda Mádenıet jáne sport mınıstrligi óńirlerdiń ákimdikterimen birlesip, qabyldanǵan sanıtarlyq dárigerlerdiń qaýlylaryna keıbir tolyqtyrýlar engizý múmkindigi talqylandy», - dedi Dastan Ryspekov OKQ-da ótken baspasóz máslıhatynda.

Onyń aıtýynsha, osy jumystyń nátıjesinde Almaty oblysyndaǵy Alakól kóliniń jaǵalaýynda, sondaı-aq Shýche, Býrabaı kýrorttyq aımaǵynda ornalasqan kýrorttyq aımaqtar boıynsha ortaq sheshim jasalǵan.

«Atap aıtqanda, Taýarlar men qyzmetterdiń sapasy men qaýipsizdigin qyzmetimen berilgen tıisti daıyndyq aktileri bar ornalastyrý oryndarynda aldyn ala tólengen brondar boıynsha demalýshylardy qabyldaýǵa ruqsat etildi. ShQO-daǵy Alakól kóliniń jaǵalaýynda otbasynyń bir múshesinde PTR-anyqtamasy bolsa buryn kózdelgen talaptardy eskere otyryp, demalýyna bolady. Blok-posttardaǵy ótkizý júıesi týrısterde ornalastyrý oryndary usynǵan bronnyń bar-joǵy týraly derektermen salystyrylady», - dedi ol.


Joǵary qaraı