Aýa raıy
Astana 6 °S
Almaty 17 °S
valıýta baǵamy
USD 421.58
EUR 496.83
RUB 5.53
CNY 62.20

Alakóldegi demalys oryndary 400 myńǵa jýyq adamǵa qyzmet kórsetken

2020 jyldyń 5 tamyz 2020 03:33

TALDYQORǴAN. QazAqparat - Almaty oblysynyń tártip saqshylary oblystaǵy Alakól jaǵalaýynda qylmystar men quqyq buzýshylyqtardyń aldyn alý, turǵyndar men demalýshylardyń qaýipsizdigi men tynyshtyǵyn qamtamasyz etý boıynsha tıisti sharalardy atqarady, dep habarlaıdy QazAqparat tilshisi.

Statıstıkalyq málimetterge súıensek, Alakól kóliniń Almaty oblysy aýmaǵyndaǵy jaǵalaýynda bıyl 150 jýyq demalys orny 380 000 adamǵa qyzmet kórsetken.

«Koronavırýs indetiniń saldarynan bıyl kólge keletin sheteldiktiń sany azaıǵan. Degenmen otandyq týrızm bir qadam alǵa basty. Kól jaǵasyndaǵy Yrǵaıty aýyldyq okrýgine qarasty Aqshı aýylynda bıyl bir ǵana qylmys tirkelgen. Ýchaskelik polıtsııa ınspektorlary ózgeniń múlkin qoldy qylǵan kúdiktini sanaýly saǵatta anyqtap, qylmystyń «izin sýytpaı» ashqan», - dedi Almaty oblysy Alakól aýdandyq PB bastyǵy Qýat Ospanov.




Almaty oblystyq Polıtsııa departamenti baspasóz qyzmetiniń málimetinshe, sharanyń negizgi maqsaty demalys aımaǵynda quqyq buzýshylyqtyń aldyn alý jáne qaýipsizdikti qamtamasyz etý. Jaǵajaıdaǵy krımınogendik jaǵdaı baqylaýǵa alynǵan. Bıyl 30 jýyq ákimshilik hattama toltyrylyp, aıyppul salyndy. Kúndelikti aýmaqty sholý men tıisti organ ókilderiniń qatysýymen reıd uıymdastyrý óz nátıjesin berýde. Koronavırýs indetiniń aldyn alý maqsatynda demalys oryndary men demalýshylardyń karantın shekteýin qatań saqtaýy da baqylaýǵa alynǵan.







«Kólde demalýshylarǵa qaýipsizdikti umytpaýy únemi eskertiledi. Jaqynda qutqarýshylar toby kezekti aralaý barysynda 6 jasar balanyń jaǵajaıdan alysqa ketip, sýǵa batyp bara jatqanyn der kezinde baıqady. Shuǵyl jetip, balany aman-esen ata-anasyna tapsyrdyq. Úlkenderge búldirshinderdi kózden tasa qylmaý qajettiligi eskertildi», - dedi Qýat Ospanov.


Joǵary qaraı