Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Alakóldiń túbin tazartý kezinde bir kúnde 90 keli temir shyqty

2022 jyldyń 25 mamyr 2022 10:17

ÓSKEMEN. QazAqparat – Shyǵys Qazaqstan oblysynda súńgýirler Alakóldiń túbin tazartý jumystarynyń birinshi kúninde 90 keli temir shyǵaryldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, Úrjar aýdanyndaǵy Alakóldiń túbin tazartý jumystary bastaldy. Kóldiń túbin tolyq tekserý úshin qutqarýshylarǵa úsh kún qajet.

«Súńgýirler 207 demalys bazasyn, onyń ishinde «Úrjaraıym» balalar saýyqtyrý lageriniń boıyndaǵy 4,1 shaqyrym jaǵalaýdyń túbin tazartady. Mundaı sharalar demalýshylardyń qaýipsizdigin qamtamasyz etý maqsatynda shomylý maýsymy bastalar aldynda júrgiziledi. Sonyń barysynda qutqarýshylar azamattarǵa qaýip tóndiretin zattardy jıi taýyp jatady», - delingen aqparatta.

Jumystyń birinshi kúninde barlyǵy 90 keli temir, 2 balyq aýlaý tory men 10 shyny bótelke shyǵaryldy. Súńgýirler 1,5 shaqyrym shaǵalaýdy qamtyp úlgerdi.

Esterińizge sala ketsek, osyǵan deıin ShQO qutqarýshylary balalar qamalyp qalǵan 120-dan astam úıdiń esigin ashqanyn habarlaǵan edik.


Joǵary qaraı