Aldaǵy 3 kúnde Qazaqstanda kún jylynady
NUR-SULTAN. QazAqparat – 25-27 qańtar kúnderi aralyǵynda Qazaqstannyń basym bóliginde atmosferalyq aǵyndardyń ótýine baılanysty, jaýyn-shashyn, qar, ekpindi jel, batys, soltústik, ortalyq jáne shyǵys óńirlerde burqasyn kútiledi, dep habarlaıdy QazAqparat.
«Respýblıkanyń ońtústigi men ońtústik-shyǵysynda kóktaıǵaq bolady. Túnde jáne tańerteń keı jerlerde tuman boljanady.
27 qańtarǵa qaraı kúndizgi temperatýra joǵarylaıdy: batys aımaqtarda 0...8 aıazǵa deıin, soltústik, ortalyq aımaqtarda 7...15 aıazǵa, eldiń shyǵysynda 7...20 aıazǵa, ońtústik aımaqtarda 0...10-ǵa deıin jyly bolady», - delingen «Qazgıdromet» RMK boljamynda.
