Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aldaǵy aptada bankter jeńildetilgen avtonesıe berýdi bastaıdy

2022 jyldyń 13 mamyr 2022 10:59

NUR-SULTAN. QazAqparat – 16 mamyrda bankter jeńildetilgen avtonesıege ótinimdi qabyldaýdy bastaıdy. Bul týraly QR Úkimet basshysynyń birinshi orynbasary Roman Sklıar málim etti, dep habarlaıdy QazAqparat tilshisi.

«Kesheden beri bankter ózderiniń korporatıvti rásimderin, dırektorlar keńesiniń otyrystaryn ótkizip jatyr. Ónerkásipti damytý qory olarmen barlyq qajet kelisimderdi bekitti. Endi olar tıisti rásimderdenı keıin dúısenbiden nesıeni bere bastaıdy. Bergen ýádelerine qaraǵanda, barlyq jumystar dúısenbi kúni iske asyrylady», - dedi R. Sklıar elordada munaı-gaz mashına jasaý salasyn damytýǵa arnalǵan forýmda tilshiler saýalyna jaýap bere otyryp.

Onyń sózine qaraǵanda, osyǵan deıin nesıeleýdi júrgizgen bes bank bul jumystarǵa jumyldyrylmaq.

«Atap aıtqanda, nesıe berý baǵdarlamasy qazirgi kezde de jumys istep tur. Revolverlik negizde 88 mlrd teńge bar jáne bul qarajat aınalymda. Bul baǵdarlama boıynsha sońǵy bes jyl boıy tıisti jumystar júrgizilip jatyr. Osy oraıda «ÓKM Operatorynan» aýdarylatyn 100 mlrd teńgeni qosamyz», - dedi Úkimet basshysynyń birinshi orynbasary.

Budan buryn habarlanǵandaı, jaqynda Indýstrııa jáne ınfraqurylymdyq damý mınıstri Qaıyrbek Óskenbaev avtonesıe sharttary bekitilgenin aıtqan edi.

Jeńil avtomobılderdi satyp alýǵa nesıe berý kelesi sharttar boıynsha júzege asyrylady:

• syıaqy mólsherlemesi ­– 4%;

• nesıelendirý somasy – 10 mln teńgeden artyq emes;

• qarjylandyrý merzimi – 7 jyldan artyq emes;

• bastapqy jarna – 0 %-dan bastap;

• kólik quralynyń quny – 15 mln teńgeden aspaıdy. Avtonesıeni ekinshi deńgeıdegi bankter beretin bolady.




Joǵary qaraı