Aýa raıy
Astana -7 °S
Almaty -1 °S
valıýta baǵamy
USD 388.81
EUR 429.01
RUB 6.08
CNY 55.49

Aldaǵy bes jylda elimizde munaı óndirý kólemi qansha artady

2019 jyldyń 23 qazan 2019 11:40

NUR-SULTAN. QazAqparat – Jalpy ishki ónimniń ortasha jyldyq ósý qarqyny 5 jylda 4,4 paıyzdy quraıdy. Bul týraly Parlament Májilisiniń jalpy otyrysynda aıtyldy, dep habarlaıdy QazAqparat tilshisi.

Jalpy otyrysta Ulttyq ekonomıka mınıstri Rýslan Dálenov eldiń 2020-2024 jyldarǵa arnalǵan áleýmettik-ekonomıkalyq damý boljamyn baıandady.

«Álemdik qarjy uıymdarynyń málimetterine sáıkes, 2019 jyly munaı baǵasynyń konsensýs-boljamy 65 dollardy quraıdy. Al 2020 jyly bir barrel úshin 63 dollaryna deıin tómendeıdi. Boljam men bıýdjettik parametrlerdi qalyptastyrý úshin bazalyq stsenarıı negizge alyndy. Ol munaı baǵasyn 55 dollar kóleminde kózdeıdi. Jalpy ishki ónimniń naqty ósýi 2020 jyly 4,1 paıyz deńgeıinde boljanyp otyr. 2024 jyly ol 4,7 paıyzǵa jetedi. Ortasha jyldyq ósý qarqyny 5 jylda 4,4 paıyzdy quraıdy», - dedi mınıstr.

Jalpy ishki ónimniń ósýi jalpy jınaqtyń, ishki tutynýdyń jáne eksporttyń ósýi esebinen qamtamasyz etiledi.

R. Dálenovtiń aıtýynsha, ınvestıtsııalar ekonomıkalyq ósýdi qoldaýdyń mańyzdy faktory bolady. Salalyq bóliniste negizgi ósim shıkizattyq emes sektoryna tıesili bolady. Bul óńdeý ónerkásibi, qyzmet kórsetý salasy jáne qurylys. Bul salalardyń ortasha ósimi 4,7 paıyz deńgeıinde bolady. Jalpy ishki ónimniń ósýindegi salymy 3,5 protsenttik tarmaqty quraıdy.

«Munaı óndirý kólemi 2020 jyly 90 mıllıon tonnadan, 2024 jyly 100 mıllıon tonnaǵa deıin ósedi. Óndirýdiń ósýi Teńiz, Qarashyǵanaq, Qashaǵan ken oryndaryn keńeıtý, sondaı-aq teńizdegi olardy paıdalanýǵa berý esebinen bolady», - dedi vedomstvo basshysy.

Avtor Rýslan Ǵabbasov
Basty sózder: Parlament, Ekonomıka, Munaı,
Joǵary qaraı