Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aldaǵy úsh jylda Nur-Sultan bıýdjetine 1 trln 208 mlrd teńge túsedi

2021 jyldyń 3 jeltoqsan 2021 15:44

NUR-SULTAN. QazAqparat – 2022-2024 jyldary elorda bıýdjetine 1 trln 208 mlrd teńge túsedi. Bul týraly «Nur-Sultan qalasynyń 2022-2024 jyldarǵa arnalǵan bıýdjet jobasy týraly» qoǵamdyq tyńdaýda qalalyq ekonomıka jáne bıýdjettik josparlaý basqarmasynyń basshysy Qaısar Manqaraev aıtty, dep habarlaıdy QazAqparat.

Spıkerdiń aıtýynsha, úsh jyldyq bıýdjet parametrleri qazirgi jaǵdaı men 2026 jylǵa deıingi kezeńge arnalǵan elorda damýynyń boljamdy ındıkatorlaryn eskere otyryp jasalǵan.

Al elordadaǵy jalpy óńirlik ónim kólemi 2021 jyldyń birinshi jartysynda 3 trln 210 mlrd teńge bolyp, 2020 jyldyń birinshi jartyjyldyǵymen salystyrǵanda 5,1%-ǵa artqan.

Respýblıkalyq JІÓ-degi elorda úlesi – 10%.

«Kirister jóninde boljamǵa sáıkes, 2022-2024 jyldary páter satýdan túsetin túsimderdi esepke almaǵanda, 1 trln 208 mlrd teńge túsedi. Onyń ishinde, 2022 jyly – 391 mlrd teńge, 2023 jyly – 416 mlrd teńge, 2024 jyly – 401,4 mlrd teńge. Salyq túsimderi 1 trln 166 mlrd teńgeni quraıdy. Onyń ishinde 2022 jyly – 286 mlrd teńge, 2023 jyly – 382 mlrd teńge, 2024 jyly – 396 mlrd teńge túsedi. Salyqtyq emes túsimder, aıyppuldardy esepke almaǵanda, 9,1 mlrd teńge dep boljanyp otyr – 2022 jyly 1,1 mlrd teńge, 2023 jyly 6,9 mlrd teńge, 2024 jyly 1,1 mlrd teńge. Páterlerdi satýdy eseptemegende, negizgi kapıtaldy satýdan túsetin túsimder 7,2 mlrd teńge kóleminde boljanýda. Onyń ishinde 2022 jyly 2,5 mlrd teńge, 2023 jyly 2,4 mlrd teńge, 2024 jyly 2,3 mlrd teńge bar», – dedi Q. Manqaraev.

Onyń aıtýynsha, jeke tabys boıynsha aldaǵy kezeńge arnalǵan boljam 53,4 mlrd teńgege, onyń ishinde salyq túsimderi esebinen 52,7 mlrd teńgege jáne ózge de kirister esebinen 700 mln teńgege artqan.

«Úsh jyldyq bıýdjet shyǵystarynyń jalpy kólemi 1 trln 208 mlrd teńge somasynda josparlanyp otyr. Onyń ishinde, 2022 jyly – 391 mlrd teńge, 2023 jyly – 416 mlrd teńge, 2024 jyly – 401 mlrd teńge. Sonymen qatar, qala bıýdjetinde respýblıkalyq bıýdjetten 100,5 mlrd teńge somasynda nysanaly damý transfertteri qarastyrylǵan. Onyń ishinde, 2022 jyly – 89 mlrd teńge, 2023 jyly – 10 mlrd teńgege jýyq qarajat», - dedi Q. Mańqaraev.


Joǵary qaraı