Aleksandr Býblık Rolan Garros týrnıriniń shırek fınalyna shyǵa almady

NUR-SULTAN. QazAqparat - Qazaqstandyq Aleksandr Býblık juptyq synda Rolan Garros týrnıriniń shırek fınalyna shyǵa almady, dep habarlaıdy QazAqparat tilshisi.

A.Býblık aýstralııalyq Tanası Kokkınakıspen birge úshinshi aınalymda horvatııalyq Ivan Dodıg - amerıkalyq Ostın Kraıchekpen kúsh synasty.

Bir saǵat 15 mınýtqa sozylǵan kezdesýde horvatııalyq-amerıkalyq jup 6:3, 6:2 esebimen jeńiske jetti.

Olar 6 eıspen birge 13 breık-poınttyń úsheýin paıdalana bildi. Qazaqstandyq-aýstralııalyq jup 6 eıspen ǵana kózge tústi.

I.Dodıg pen O.Kraıchek jartylaı fınalǵa shyǵý úshin jarystyń birinshi raketkalary, amerıkalyq Radjıv Ram - ulybrıtanııalyq Djo Selısberımen talasady.

Osylaısha Frantsııa ashyq chempıonatynda Qazaqstanda jekeleı synda Elena Rybakına ǵana qaldy.

Eske sala keteıik, budan buryn Aleksandr Býblıktiń Rolan Garros týrnıriniń úshinshi aınalymyna shyqqanyn jazǵan bolatynbyz.