Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Alekseı Tsoı BUU Bas Assambleıasynyń 76-shy sessııasy aıasynda sóz sóıledi

2021 jyldyń 1 qazan 2021 16:37

NUR-SULTAN. QazAqparat - Densaýlyq saqtaý mınıstri Alekseı Tsoı Dúnıejúzilik densaýlyq saqtaý uıymynyń Bas dırektory doktor Tedros Gebreııýsýs Adhanomnyń, Densaýlyq saqtaý mınıstrleriniń jáne kásibı qoǵamdastyqtyń qatysýymen BUU Bas Assambleıasynyń alańynda densaýlyqty jalpy qamtý boıynsha joǵary deńgeıdegi kezdesýge qatysty. Bul týraly QazAqparat QR Densaýlyq saqtaý mınıstrliginiń baspasóz qyzmetine silteme jasap habarlaıdy.

Іs-shara barysynda Qazaqstannyń BUU Turaqty damý maqsattaryna qol jetkizýge jáne MSAK jónindegi Almaty jáne Astana deklaratsııalaryn jahandyq aýqymda ilgeriletýge beıildiligi taǵy da rastaldy.

Óz sózinde A.Tsoı uıymdastyrýshylarǵa, sonyń ishinde Grýzııa, Japonııa, Taıland, Dúnıejúzilik densaýlyq saqtaý uıymy jáne DSQJQ-2030 qozǵalysyn uıymdastyrǵany jáne Qazaqstandy ko-demeýshi retinde shaqyrǵany úshin alǵysyn bildirdi. Mınıstr atap ótkendeı, BUU-ǵa múshe memleketterdiń densaýlyq saqtaý qyzmetterimen jappaı qamtýdy qoldaý jáne oǵan qol jetkizý mindettemesi 2030 jylǵa qaraı COVID-19 pandemııasy kezinde barǵan saıyn kúrdeli jáne mańyzdy mindetke aınalýda. DSQJQ-nyń negizinde barlyq halyq qandaı da bir qarjylyq qıyndyqtarsyz muqtaj bolatyn sapaly medıtsınalyq qyzmetterge qol jetkize alýy tıis degen qaǵıdat jatyr.




Astana qalasynyń MSAK jónindegi Deklaratsııasynda kórsetilgendeı, alǵashqy medıtsınalyq-sanıtarııalyq kómek «Densaýlyq saqtaý qyzmetterimen jappaı qamtýdy qamtamasyz etý jáne densaýlyqqa baılanysty ornyqty damý maqsattaryna qol jetkizý úshin turaqty Densaýlyq saqtaý júıesiniń irgetasy» bolyp tabylady. Budan basqa, MSAK gýmanıtarlyq qaǵıdattarǵa sáıkes kútimniń úzdiksizdigin jáne negizgi medıtsınalyq qyzmetter usynýdy qamtamasyz ete otyryp, tótenshe jaǵdaılarda DSQJQ -nyń tiregi bolyp tabylady. Tıisinshe, COVID-19 pandemııasy MSAK-tyń ósip kele jatqan mańyzdylyǵyn atap ótti, pandemııaǵa den qoıýdyń negizgi sharalarynyń biri bolyp qala beredi jáne sonymen birge halyqtyń negizgi medıtsınalyq qyzmetterge qol jetkizýin qamtamasyz etedi.

«Qazaqstan Alǵashqy medıtsınalyq-sanıtarlyq kómektiń besigi bolyp tabylady, onda DDU-ǵa múshe memleketter 1978 jylǵy Tarıhı Almaty deklaratsııasyn da, onyń mırasqoryn da, 2018 jyly MSAK jónindegi Astana deklaratsııasyn da qabyldady. Budan basqa, elder MSAK-tyń jedel negizin qabyldady, ol olarǵa ulttyq deńgeıde MSAK-ty kúsheıtý úshin 14 tetik beredi», - dedi A.Tsoı.

Sonymen qatar, Qazaqstan Respýblıkasynyń Prezıdenti Qasym-Jomart Toqaev 2021 jylǵy mamyrda Dúnıejúzilik densaýlyq saqtaý assambleıasynyń 73-sessııasynda Qazaqstanda ornalasqan DDU-nyń MSAK jónindegi Eýropalyq ortalyǵy Alǵashqy medıtsınalyq-sanıtarııalyq kómek salasyndaǵy ozyq tájirıbeni ázirleý jáne berý jahandyq deńgeıdegi ortalyǵy bolýǵa tıis ekenin atap ótti.

Sóz sońynda A. Tsoı barlyǵyna nátıjeli pikirtalas tiledi.




















Joǵary qaraı