Aýa raıy
Astana 20 °S
Almaty 25 °S
valıýta baǵamy
USD 412.55
EUR 468.66
RUB 5.79
CNY 58.80

Alekseı Tsoı koronavırýsty anyqtaıtyn jańa test týraly suraqqa jaýap berdi

2020 jyldyń 6 shilde 2020 00:21

NUR-SULTAN. QazAqparat - QR Densaýlyq saqtaý mınıstri Alekseı Tsoı tynys alý analızatory kómegimen koronavırýsty anyqtaýǵa arnalǵan jańa testileýge qatysty aqparatqa oraı pikir bildirdi, dep habarlaıdy QazAqparat tilshisi.

Aıta keteıik, birqatar aqparat quraly Helsınkıde (Deep Sensing Algorithms kompanııasy) tynys alý analızatorynyń kómegimen COVID-19-dy testileýge daıyndyq júrgizilip jatqanyn, test nátıjesi nebári 2 mınýttyń ishinde daıyn bolatynyn jazǵan edi. Atalǵan habarlamaǵa sáıkes, mundaı qurylǵy Qazaqstan, Nıderland jáne AQSh-ta synaqtan ótedi-mis.

Búgin Ortalyq kommýnıkatsııalar qyzmetindegi brıfıng barysynda elimizdiń Densaýlyq saqtaý mınıstri Alekseı Tsoı dál osy aqparatqa qatysty pikirin bólisti.

«Qazirgi ýaqytta bizge búkil álemnen testileýdiń túrli ádisteri, onyń ishinde ózderińiz atap ótken jańaǵy ádis te túsip jatyr. ıAǵnı, testileýdiń atalǵan túrin ázirlegen kompanııadan aqparat kelip jatyr. Árıne, biz olardy muqııat qaraımyz. Qazaqstan naryǵyna atalǵan qural kelip túskennen keıin testileýdiń qanshalyqty dál ekenin, vırýsty anqytaý barysyndaǵy júıeli sıpattamalarynyń qandaı ekenin, testileýdiń dáleldengen ózge túrlerine qaraǵanda qanshalyqty dál ekendigin tekseremiz. Sodan keıin baryp qana Qazaqstanda testileýdiń jańa tehnologııasy qoldanylatynyn aıta alamyz», - dedi Alekseı Tsoı.


Joǵary qaraı