Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Alekseı Tsoı: Medıtsına qyzmetkerleri – bul elimizdiń strategııalyq resýrsy

2021 jyldyń 19 maýsym 2021 12:20

NUR-SULTAN. QazAqparat – Medıtsına qyzmetkerleri kúni qarsańynda Densaýlyq saqtaý mınıstri Alekseı Tsoı áriptesterin kásibı merekelerimen quttyqtap, olarǵa qazaqstandyqtardyń densaýlyǵyn qorǵaýda baǵa jetpes úles qosqandary úshin shynaıy alǵysyn jetkizdi, dep habarlaıdy QazAqparat tilshisi.

«Qurmetti dárigerler, medbıkeler, feldsherler, qymbatty áriptester! Sizderdi kásibı merekelerińizben quttyqtaýǵa ruqsat etińizder! Sizderdiń árqaısylaryńyz júrek qalaýymen taǵdyrlaryńyzdy osynaý tereń bilimdi, tek qana eńbeksúıgishtikti, jan-tánimen berilgendikti, eń bastysy meıirimdilik, baýyrmaldyq jáne izgilikti talap etetin osynaý qaıyrymdy mamandyqpen baılanystyrdyńyzdar. Medıtsına qyzmeterleri – bul elimizdiń strategııalyq resýrsy. Búginde Qazaqstanda shamamen 260 myń medıtsına mamany, onyń ishinde 75 myńnan astam dáriger, 185 myń orta medıtsına qyzmetkeri eńbek etedi. Elimizde kún saıyn 2 myńnan astam ota jasalyp, bir myńnan astam sábı dúnıege keledi. Emhanalarda 420 myńnan astam adamǵa qyzmet kórsetiledi jáne 18 myńnan astam jedel járdem kómegi shaqyrylady», - dedi mınıstr.

Onyń atap ótýinshe, osy jyldardyń ishinde elimizdiń densaýlyq saqtaý salasy qarqyndy damyp, joǵary tehnologııalyq kómek kórsetý kólemi artyp keledi. Jańa perınataldy ortalyqtar salyndy, ınnovatsııalyq ázirlemeler engizilip jatyr. Sonyń arqasynda biraz ýaqyt búryn múmkin emes kóringen sırek kezdesetin kúrdeli aýrýlar sátti dıagnostıkalanyp, emdelip jatyr.

«Sońǵy jyldary eki eń mańyzdy kórsetkishtiń jaqsarǵany baıqalady: ómir súrý uzaqtyǵy ulǵaıdy jáne týý artty. Bul jetistikterdiń tasasynda árıne, sizderdiń, óz isine jaýapkershilikpen qaraıtyn túrli mamandyq ıeseleri densaýlyq saqtaý qyzmetkerleriniń zor eńbegi jatyr», - dedi Alekseı Tsoı.


Joǵary qaraı