Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Alekseı Tsoı medıtsına salasynyń basty problemalaryn atady

2021 jyldyń 2 naýryz 2021 12:05

NUR-SULTAN. QazAqparat – Búgin Úkimet otyrysynda QR Densaýlyq saqtaý mınıstri Alekseı Tsoı medıtsına salasynyń basty problemalaryn atady, dep habarlaıdy QazAqparat tilshisi.

«Qabyldanyp jatqan is-sharalarǵa qaramastan kelesi negizgi problemalar bar. Patsıentter deńgeıinde – bul usynylatyn qyzmetterdiń sapasy, álsiz kommýnıkatsııa, mamandarǵa kezek, medıtsınalyq qyzmet kóleminiń, joǵarytehnologııalyq jáne qymbat qyzmetterdiń jetkiliksizdigi, salalyq mamandardyń tapshyly, halyq sany 300 adamnan az aýyldarda medıtsına uıymdaryn, dárihana pýnktterin damytý qajettigi», - dedi mınıstr.

Onyń aıtýynsha, alǵashqy medıtsınalyq-sanıtarlyq kómek deńgeıinde jan basyna qarjylandyrýdy jetildirý talap etiledi.

«Tsıfrlandyrý tolyq kólemde aıaqtalǵan joq. Búginde aýdandyq deńgeıden tómen medıtsınalyq uıymdardyń ınternetpen qamtamasyz etilýi, sonymen qatar medıtsınalyq aqparattyq júıelermen yqpaldasýy 84,2 paıyzdy quraıdy. Kadrlyq áleýettiń, áleýmettik kepildiń jetkiliksizdigi jáne tómen jalaqy da oryn alǵan. Infraqurylym men jabdyqtalý tómen. Jekelegen keıbir aýyldyq eli mekende alǵashqy medıtsınalyq-sanıtarlyq kómek nysandary, sonymen qatar medıtsınalyq nysandar tozǵan jáne joq ta», - dedi Alekseı Tsoı.


Joǵary qaraı