Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Alekseı Tsoı: Pandemııa ásirese teńizge shyǵatyn joly joq damýshy elderge aýyr tıip jatyr

2021 jyldyń 17 sáýir 2021 11:50

NUR-SULTAN. QazAqparat - Búgin QR Densaýlyq saqtaý mınıstri Alekseı Tsoı BUU Ekonomıkalyq jáne áleýmettik keńesiniń (EKOSOS) joǵary deńgeıdegi «Barshaǵa arnalǵan vaktsınalar» vaktsınatsııasy problemasyna arnalǵan kezdesýine qatysty.

Bul týraly QazAqparat QR Densaýlyq saqtaý mınstrliginiń Facebook paraqshasyna silteme jasap habarlaıdy.

EKOSOS Halyqaralyq ekonomıkalyq jáne áleýmettik máselelerdi talqylaý jáne densaýlyq saqtaý salasyndaǵy jahandyq problemalardy sheshý joldaryn qosa alǵanda, múshe memleketter men Birikken Ulttar Uıymy júıesine arnalǵan usynymdardy ázirleý úshin tıimdi alań retinde tanymal.

Álemde vaktsınalardyń birkelki bólinbeý jaǵdaıyn talqylaý aıasynda Alekseı Tsoı kóterilgen máseleniń ózektiligin atap ótip málimdeme jasady.

«Álem COVID-19-ben kúresýde. Pandemııanyń aýyrtpalyǵy barlyq elderge, ásirese erekshe jaǵdaıdaǵy, sonyń ishinde teńizge shyǵar joly joq damýshy elderge teris áser etedi. Sonymen birge, COVID -19 vaktsınalaryna qol jetimdiliktiń teńsizdigi kedeı jáne baı elder arasyndaǵy alshaqtyqty odan ári tereńdetedi. Biz bas hatshy Antonıý Gýterrısh pen Dúnıejúzilik densaýlyq saqtaý uıymynyń birlesken jumysy úshin «GAVI» (vaktsınalar men ımmýndaý jónindegi jahandyq alıans) jáne «CEPI» (vaktsınalardy ázirleý jónindegi halyqaralyq alıans) COVAX bastamasynyń ortaq maqsattaryna jetý jónindegi kúsh - jigerin joǵary baǵalaımyz», - dedi ol.

Qazaqstan Respýblıkasynyń Densaýlyq saqtaý mınıstri usynylǵan múmkindikti paıdalana otyryp, iri ekonomıkalardy, halyqaralyq qarjy mekemelerin jáne basqa da múddeli taraptardy álemniń osy máseledegi eń osal elderiniń vaktsınalaryna teń qol jetkizýdi qamtamasyz etý úshin eleýli qadamdar jasaýǵa shaqyrdy.

Alekseı Tsoı óz halqyn vaktsınalarmen qamtamasyz etken elderge endi eń osal elderge kómektesýge shaqyrdy. Sondaı-aq, ol COVAX deldaldaryn erekshe jaǵdaıǵa tap bolǵan elder úshin dozalardyń paıyzdyq mólsherin arttyrýdy qarastyrýǵa shaqyrdy. Buǵan COVAX qorynyń úzdiksiz jáne boljamdy jumysyna kepildik beretin iri ekonomıkalar klýbynyń ósýi men belsendi qarjylandyrýy arqyly qol jetkizýge bolady.

Sonymen qatar, Alekseı Tsoı Vaktsınalar men dári-dármekterdi qosa alǵanda, arzan medıtsınalyq ónimderge ýaqtyly qol jetkizýdi nemese negizgi medıtsınalyq ónimderdi zertteý, ázirleý, óndirý jáne jetkizý aýqymyn keńeıtýdi qosa alǵanda DSU múshelerin COVID-19-ben kúres qımyldaryn talapqa saı atqarý úshin TRIPS-tiń tıisti mindettemelerinen ýaqytsha bas tartýǵa shaqyrý týraly atap ótti.


Joǵary qaraı