Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Alekseı Tsoı Pfizer vaktsınasyna qatysty: Ázirge keri áser baıqalmady

2021 jyldyń 23 qarasha 2021 12:30

NUR-SULTAN. QazAqparat – Elimizdiń Densaýlyq saqtaý mınıstri Alekseı Tsoı elimizde Pfizer vaktsınasyn alyp jatqan júkti áıelder, emizýli analar men jasóspirimderdiń jaǵdaıy týraly aıtyp berdi, dep habarlaıdy QazAqparat tilshisi.

«Elimizde epıdjaǵdaı turaqty. Biz jaǵdaıdyń odan ári jaqsarǵanyn qalaımyz. Degenmen koronavırýstyń eshqaıda ketpegenin umytpaǵan jón. Eýropada ne bolyp jatqanyn kórip otyrsyzdar, lokdaýn jarııalap jatyr. Bul kórshimiz - Reseıge de qatysty, sondyqtan biz saqtyq sharalaryn kúsheıte túsýimiz kerek. Qazirgi bizdiń maqsat – vaktsına alý qarqynyn jeteldetý. Protsess jaqsy júrip jatyr, ujymdyq ımmýnıtet qalyptasyp keledi», - dedi A. Tsoı Úkimet úıinde tilshilerdiń suraǵyna jaýap bere otyra.

Sondaı-aq mınıstr elimizdegi Pfizer vaktsınasyn egý jaǵdaıy men onyń baǵasyna qatysty pikir bildirdi.

«Aqyly túrde Pfizer vaktsınasyn alamyn deýshilerge, baǵa jýyrda belgili bolady. Jalpy qazirgi tańda Pfizer ekpesin alý qarqyny josparǵa saı júrip jatyr. Júkti áıelder, emizýli analar men balalarda jeńil ótýde. Ázirge keri áseri baıqalmady», - deıdi ol.


Joǵary qaraı