Aýa raıy
Astana 7 °S
Almaty 9 °S
valıýta baǵamy
USD 421.58
EUR 496.83
RUB 5.53
CNY 62.20

Alekseı Tsoı ShYU múshe-memleketterdi KVI statıstıkasyn jańasha sanaý ádisine kóshýge shaqyrdy

2020 jyldyń 24 shilde 2020 14:10

NUR-SULTAN. QazAqparat – Densaýlyq saqtaý mınıstri Alekseı Tsoı Shanhaı yntymaqtastyq uıymyna múshe memleketterdiń densaýlyq saqtaý mınıstrlerin KVI jaǵdaıyn jańasha sanaý ádisi boıynsha Dúnıejúzilik densaýlyq saqtaý uıymynyń usynysyn qoldaýǵa shaqyrdy, dep habarlaıdy QazAqparat tilshisi.

«Densaýlyq saqtaý mınıstrligi Qazaqstanda koronavırýs ınfektsııasyn juqtyrý boıynsha statıstıkalyq málimetterdi tirkeýdiń jańa ádisin aıqyndady. DDSU-nyń Eýropalyq aımaqtyq bıýrosymen tehnıkalyq jaǵynan keńese otyryp, biz KVI jaǵdaılaryn halyqaralyq klassıfıkatsııanyń jańa kodymen tirkeý týraly sheshimge keldik. Osylaısha COVID-19 jaǵdaılarynyń zerthanalyq turǵyda rastalýy pnevmonııa faktilerimen biriktiriledi. Buǵan deıin de, qazir de Qazaqstanda juqtyrý kórsetkishi zerthanalyq turǵyda rastalý jaǵdaıymen eseptelip otyr. Jańasha sanaý ádisine biz 1 tamyzdan bastap kóshemiz», - dedi Alekseı Tsoı ShYU múshe memleketterdiń densaýlyq saqtaý mınıstrleriniń otyrysynda.

Qazaqstannyń Densaýlyq saqtaý mınıstri jańa tásil Qazaqstannyń reıtıngine jaǵymsyz áser etetinin bilip otyrǵanyn jetkizdi.

«Degenmen, bul ádis aýrýdy eńserýde durys boljam jasaýǵa, resýrstardy durys bólýge múmkindik beredi. Bul – bizdiń memlekettiń ashyq saıasatyn, koronavırýsqa birige qarsy turýǵa daıyn ekenin kórsetedi. DDSU-nyń usynysyn qabyldaý – basqa memleketterge de úlgi bolar degen senimdemiz», - dedi ol.

Alekseı Tsoı statıstıkalyq málimetterdi júrgizýdiń bul ádisin DDSU Eýropa bıýrosy qoldap otyrǵanyn jetkizdi.

«Shanhaı yntymaqtastyq uıymyna múshe memleketterdi Dúnıejúzilik densaýlyq saqtaý uıymynyń osy usynysyn qoldaýǵa shaqyramyn. Bul modelge memleketter neǵurlym kóp aralassa, fakt boıynsha naqty málimet negizinde saıasatty qalyptastyrýda ashyqtyq qamtamasyz etiledi», - dedi ol.

Eske sala ketsek, dál qazir Shanhaı yntymaqtastyq uıymyna múshe memleketterdiń densaýlyq saqtaý mınıstrleriniń otyrysy ótip jatyr. Jıynda Reseı, Úndistan, Qazaqstan, Qyrǵyzstan, Tájikstan, Ózbekstan densaýlyq saqtaý mınıstrleri, sondaı-aq Pákistan premer-mınıstriniń arnaıy kómekshisi, QHR Memlekettik densaýlyq saqtaý komıtetiniń basshysy ShYU múshe-memleketterindegi qazirgi jaǵdaı týraly baıandama jasaýda.

Sondaı-aq ShYU Bas hatshysy, DDSU ókili, sondaı-aq ShYU baıqaýshy memleketter delegatsııalarynyń basshylary sóz sóıleıdi.


Joǵary qaraı