Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Álem chempıonatynda Darıǵa Shákimova qarsylasyna ese jiberdi

2022 jyldyń 13 mamyr 2022 01:25

YSTANBUL. QazAqparat - Bokstan áıelder arasyndaǵy álem chempıonatynda qazaqstandyq Darıǵa Shákimova jarysty jalǵastyra almaıtyn boldy, dep habarlaıdy QazAqparat.

Ol 66 keli salmaqta ózbekstandyq Navbahor Hamıdovamen qolǵap túıistirdi.

Birinshi raýndtan keıin bes tóreshiniń úsheýi ózbek boksshysynyń jeńisine qoldaý bildirdi. Ekinshi raýndta olardyń sany tórteýge jetti. Jalpy nátıjede ózbek boksshysy jarysty jalǵastyrýǵa múmkindik aldy.

Darıǵa Shákimova 1988 jyly 20 qarashada dúnıege kelgen. Ol 2016 jyly Jazǵy olımpıadada qola júldeger atandy. Al 2010, 2015 jyldarda Azııa chempıony boldy.

Álem chempıonatyna elimizdiń atynan 12 boksshy bardy.

Álem chempıonatynda el quramasynan Alýa Balqybekova (48 keli), Jaına Shekerbekova (52 keli), Dına Jolaman (54 keli), Karına Ibragımova (57 keli), Valentına Halzova (70 keli) jarystyń kelesi satysyna shyqty.

Eske salsaq, buǵan deıin Nazym Qyzaıbaı (50 keli), Rımma Volosenko (60 keli), Aıda Ábikeeva (63 keli) men Nadejda Rıabets (75 keli) qarsylastaryna ese jiberip qoıdy.

Álem chempıonaty 20 mamyrda máresine jetedi.


Avtor Ádiljan Úmbet
Basty sózder: Sport, Boks, Túrkııa,
Joǵary qaraı