Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Álem elderiniń kóbi bizdi vaktsına shyǵarady dep kútken joq – Eraly Toǵjanov

2021 jyldyń 16 maýsym 2021 18:05

NUR-SULTAN. QazAqparat – Vaktsınalaý sharasyna 12 myńnan astam maman atsalysyp jatyr, dep habarlaıdy QazAqparat.

Bul týraly Premer-Mınıstrdiń ornbasary Eraly Toǵjanov Medıtsına qyzmetkerleri kúnine arnalǵan kezdesýde aıtty.

«Búgin búkil álem vaktsınatsııa ǵana úırenshikti ómirge karantınsiz oralýǵa múmkindik beretinin túsindi. Elimizde halyqty vaktsınalaý boıynsha aýqymdy naýqan jalǵasyp jatyr. Koronavırýsqa qarsy ımmýndaý naýqanyna 12 myńnan astam medıtsına qyzmetkeri atsalysyp júr. Bıologııalyq qaýipsizdik problemalary ǵylymı-zertteý ınstıtýtynyń ǵalymdarynyń koronavırýsqa qarsy vaktsınanyń bes túrin ázirleýdegi eńbegin erekshe atap ótkim keledi», - dedi Eraly Toǵjanov.

Ol Qazaqstannyń óz vaktsınasyn jasaýy - kóptegen elder úshin kútpegen jańalyq bolǵanyn atady.

«Іs júzinde Qazaqstan búginde álemde óz vaktsınasy bar alty eldiń qatarynda. Meniń oıymsha, bul – elimizdiń úlken jetistigi. Bul týraly aqparatqa kóptegen elderdiń tań qalǵanyn naqty bilemin. Talaılar Qazaqstan óz vaktsınasyn ázirleı alady dep kútpese kerek», - degen Eraly Toǵjanov vaktsına ázirleýdiń basy-qasynda júrgen Kúnsulý Zákarııa, Lespek Qutymbetov, Berik Haırýllın, Muhıt Orynbaev, Marhaba Qasenov sııaqty mamandarǵa alǵysyn jetkizdi.


Joǵary qaraı