Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Álem qazaqtarynyń kishi quryltaıy: Aqmolalyqtar «Ordaly elge 30 jyl» atty kórme usyndy

2021 jyldyń 24 qyrkúıek 2021 18:05

KÓKShETAÝ. QazAqparat - Túrkııanyń Ystanbul qalasynda Dúnıejúzi qazaqtary qaýymdastyǵynyń uıymdastyrýymen «Jahandaný órkenıetindegi Qazaq álemi» atty álem qazaqtarynyń kishi quryltaıynda Aqmola oblysy «Ordaly elge 30 jyl» atty kórmesin usyndy, dep habarlaıdy QazAqparat tilshisi oblystyq ishki saıasat basqarmasyna silteme jasap.

Bıylǵy jylǵy qyrkúıektiń 23-24 kúnderi ótken álem qazaqtarynyń kishi quryltaıyna Túrkııa men Eýropa elderinen qazaq qaýymdarynyń 100-den astam ókili, Qazaqstannyń mádenıet mekemeleri men joǵary oqý oryndarynyń ókilderi qatysty.

Sheteldegi qazaq dıasporasynyń ózekti máseleleri boıynsha nátıjeli pikir almasty. Kishi quryltaıdyń baǵdarlamasy kóptegen mádenı-aǵartý is-sharalaryn qamtydy.

«Sharaǵa QR Mádenıet jáne sport mınıstrliginiń uıǵarýy boıynsha Aqmola oblysynyń Mádenıet, arhıvter men qujattamalar basqarmasy mýzeıleriniń «Ordaly elge 30 jyl» atty kórmesi kópshilik nazaryna usynyldy. Bul jaýapty da mańyzdy mindet Aqmola oblysynyń ákimi Ermek Marjyqbaevtyń qoldaýymen júzege asty.




Qazaq eliniń arǵy-bergi tarıhymen sabaqtastyrylǵan, QR Táýelsizdiginiń 30 jyldyǵyna arnalǵan bul kórme Álem elderinen kelgen qandas aǵaıynnyń kóńilderin tolqytyp, kózaıymyna aınaldy», - dedi vedomstvodan.

Kórmeni tamashalaǵan Túrik elindegi Qazaqstannyń bas konsýly Álim Dáýrenuly Baıel, Dúnıejúzi qazaqtary qaýymdastyǵy tóraǵasynyń orynbasary Zaýytbek Turysbekov kópshilik nazaryna kórme usynǵan aqmolalyqtarǵa rızashylyǵyn bildirdi.





Joǵary qaraı