Aýa raıy
Astana -7 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Álemde 62,8 mln adam koronavırýs juqtyrǵan

2020 jyldyń 1 jeltoqsan 2020 09:44

LONDON. QazAqparat – Amerıkalyq Moderna Inc kompanııasy koronavırýsqa qarsy vaktsınasyna lıtsenzııa kútýde, Entonı Faýchı AQSh-ta indet qaıta beleń alatynyn boljaýda, Brıtanııa Rojdestvo kezinde dúkenderdiń jumys ýaqytyn uzartýdy josparlaýda. QazAqparat qaýipti vırýsqa qatysty álemdegi jaǵdaıdy VVS-ge silteme jasap habarlaıdy.

Djons Hopkıns ýnıversıtetiniń málimetine sáıkes, álemde COVID-19-ǵa shaldyqqandar sany 62,7 mln adamnan asyp jyǵyldy, 1,4 mln adam qaıtys boldy, 40,2 mln naýqas jazyldy.

Moderna Inc kompanııasy óziniń mRNA-1273 eksperımentaldy vaktsınasyna lıtsenzııa alý úshin AQSh pen Eýropaǵa ótinim jiberdi. Basty talap – vaktsına tıimdi ári qaýpsiz bolýy tıis. Buǵan deıin Moderna Inc kompanııasy testileýdiń qorytyndy kezeńinde vaktsına 94,5% tıimdiligin kórsetkenin málim etti. Klınıkalyq synaqqa 30 myń erikti qatysqan, olardyń arasynda táýekel tobyndaǵy qarıt adamdar bolǵan. Naqty vaktsına 15 myń adamǵa salynǵan jáne olardyń tek 11-i ǵana koronavırýs juqtyryp, ony jeńil túrde ótkizgen. Eriktilerdiń qalǵan bóligi platsebo qabyldaǵan, olardyń arasynda tek 185-inde Covid-19 anyqtaldy. Syrqat kóbisinde aýyr ótken.

Koronavırýsqa qarsy vaktsına ázirlegen taǵy bir kompanııa – Pfizer lıtsenzııa altsý úshin AQGSh-qa ótinim jiberip qoıǵan. Budan bólek, Amerıkanyń quzyrly organy AstraZenca kompanııasy Oksford ýnıversıtetiniń ǵalymdarymen birlesip ázirlegen vaktsınany da qarastyrýda.

Reseı de oılap tapqan «Spýtnık V» vaktsınasynyń klınıkalyq synaǵynyń nátıjesin kútýde.

Eýropadaǵy sońǵy jańalyqtar

Italııa Úkimeti koronavırýstyń ekinshi tolqyqyna oraı 8 mlrd eýro kóleminde bızneske kómek paketin ázirledi. Dúısenbi kúni bızneske qoldaýy týraly Kanada da jarııa etpek. Onymen bir mezgilde, Germanııanyń Ekonomıka mınıstri Pıter Altmaıerdiń aıtýynsha, úkimet kompanııalardy sýbsıdııalaýdy jalǵastyra bere almaıdy jáne vırýsqa tosqaýyl qoıý úshin adamdardyń ózderi anaǵurlym kóbirek kúsh salýy kerek.

Al Ulybrıtanııa rojdestvolyq merekelerge baılapnysty dúkenderdiń jumys ýaqytyn uzartpaq. Jáne bul ruqsat qańtar aıynyń sońyna deıin saqtalady. 2 jeltoqsan kúni atalmysh el ekinshi lokdaýnnan shyǵady. Degenmen, túrli shekteý sharalary memlekettiń barlyq aýmaǵynda saqtalady.

Frantsııa úkimeti janyndaǵy ǵylymı keńes elge vaktsınalardyń alǵashqy dozasy jeıtkizilgen boıda olardy qarttar úıleriniń turǵyndaryna salýǵa keńes berip otyr.

AQSh: Ókinishke alyp kelgen mereke

AQSh-tyń bas epıdemıology Entonı Faýchı Alǵys aıtý kúnine oraı amerıkalyqtardyń kanıkýldyq saparlarynan keıin elde koronavırýsty juqtyrýshylar sany kúrt artýy múmkin dep esepteıdi. Dástúrli túrde atalmysh merekeden keıingi apta el ishinde qarbalasqa toly bolady. byltyr osy ýaqytta Amerıka qalalarynyń áýejaılarynan 26 mln-ǵa jýyq jolaýshy ushqan. Bıyl dárigerler amerıkalyqtardy merkeni úıde atap ótýge keńes bergenimen, ótken aptada áýejaılarda naýryz aıynan bergi eń kóp jolaýshy – 1 mln adam tirkeldi.

AQSh-ta pandemııa bastalǵaly 13 mln adam syrqattandy, 266 myńy qaıtys boldy.

Avtor Mıra Tólendiqyzy
Basty sózder: Álem,
Joǵary qaraı