Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Álemde koronavırýsty juqtyrǵandar sany 240 mıllıonnan asty

2021 jyldyń 15 qazan 2021 23:54

NUR-SULTAN. QazAqparat – Álem boıynsha koronavırýstyń táýligine 463 myńnan astam rastalǵan jaǵdaıy tirkeledi. Bul týraly Qazaqstanda COVID-19 taralýyna jol bermeý jónindegi vedomstvoaralyq komıssııanyń Telegram-kanalynda aıtyldy, dep habarlaıdy QazAqparat.

Dúnıejúzilik densaýlyq saqtaý uıymy koronavırýs ınfektsııasyn juqtyrý derekterine qatysty jańa málimet jarııalady. Búgingi tańda COVID-19 juqtyrý jaǵdaılarynyń sany 239 mıllıonnan asty. DDSU saıtynda habarlanǵandaı, koronavırýsty juqtyrýdyń rastalǵan jaǵdaılarynyń sany táýligine 463 378-ge artyp, jalpy sany 240 135 079 qurady, qaıtys bolǵandar sany 7 638-ge artyp, 4 889 370 adamǵa jetti. Infektsııany juqtyrý boıynsha birinshi orynda AQSh (44 767 906 adam), ekinshi orynda Úndistan (34 037 592), úshinshi orynda Brazılııa (21 612 237) tur.

Indonezııa azamattardy koronavırýsqa qarsy ımmýndaý boıynsha jedel naýqan júrgizýde. Úkimettiń habarlaýynsha, vaktsınanyń alǵashqy ınektsııasyn 104 mıllıon azamat alǵan. Vaktsınatsııanyń tolyq kýrsynan 60,4 mln adam ótti. El bıliginiń egde jastaǵy adamdar men jastardy COVID-19-dan vaktsınalaýdaǵy kúsheıtilgen jumystary Indonezııa basshylyǵynyń nazarynda bolmaq. 14 qazandaǵy málimetterge sáıkes, pandemııa bastalǵannan beri elde indetke shaldyǵýdyń 4 232 099 jaǵdaıy tirkeldi, 142 848 adam qaıtys boldy.


Joǵary qaraı